മേടം രാശി (അശ്വതി, ഭരണി, കാർത്തിക ആദ്യ കാൽഭാഗം):
തൊഴിൽ രംഗത്ത് ചില നിർണ്ണായകമായ വഴിത്തിരിവുകൾ ഉണ്ടാകാനും പുതിയ മികച്ച അവസരങ്ങൾ വന്നുചേരാനും സാധ്യതയുള്ള വാരമാണിത്. സാമ്പത്തിക ഇടപാടുകളിലും വായ്പകളിലും (Loans) അതീവ ശ്രദ്ധ പുലർത്തുന്നത് ഭാവിയിലെ നഷ്ടങ്ങൾ ഒഴിവാക്കാൻ സഹായിക്കും. നിങ്ങളെക്കുറിച്ച് ചില ആളുകൾ തെറ്റിദ്ധാരണകൾ സൃഷ്ടിക്കാൻ ശ്രമിച്ചേക്കാമെന്നതിനാൽ ജാഗ്രത പാലിക്കുക. എന്നാൽ വാരമധ്യത്തോടെ മുൻപ് തെറ്റിദ്ധരിക്കപ്പെട്ട് അകന്നുപോയ ബന്ധങ്ങൾ വീണ്ടും ഒന്നിക്കാൻ അനുകൂല സാഹചര്യമൊരുങ്ങും. കടുത്ത തലവേദനയോ ശിരോരോഗങ്ങളോ ഉള്ളവർ ആരോഗ്യ കാര്യങ്ങളിൽ ജാഗ്രത പാലിക്കുക.
ഇടവം രാശി (കാർത്തിക അവസാന മുക്കാൽ ഭാഗം, രോഹിണി, മകയിര്യം ആദ്യ പകുതിഭാഗം):
ഈ ആഴ്ച നിങ്ങൾക്ക് മികച്ച നേട്ടങ്ങൾ കൈവരിക്കാൻ സാധിക്കും. ഔദ്യോഗിക രംഗത്ത് നിലനിന്നിരുന്ന തടസ്സങ്ങളെല്ലാം മാറി മുന്നോട്ട് പോകാനും അർഹമായ സ്ഥാനക്കയറ്റം (Promotion) ലഭിക്കാനും യോഗമുണ്ട്. സാമ്പത്തികമായി സുസ്ഥിരത കൈവരിക്കാനുള്ള പുതിയ വരുമാന മാർഗ്ഗങ്ങൾ തുറന്നുകിട്ടും. ദാമ്പത്യ ജീവിതത്തിൽ സന്തോഷവും ദൃഢമായ ഐക്യവും വർദ്ധിക്കും. മാനസികമായി വലിയ ധൈര്യവും ഉത്സാഹവും അനുഭവപ്പെടും. എങ്കിലും, വഴിവിട്ട അന്യബന്ധങ്ങൾ മൂലം ചില അനാവശ്യ പ്രശ്നങ്ങൾ ഉണ്ടാകാൻ ഇടയുള്ളതിനാൽ ശ്രദ്ധിക്കുക; ശ്വാസകോശ സംബന്ധമായ അസുഖമുള്ളവർ ആരോഗ്യ കാര്യങ്ങളിൽ അതീവ കരുതൽ പുലർത്തണം..
മിഥുനം രാശി (മകയിര്യം അവസാന പകുതിഭാഗം, തിരുവാതിര, പുണർതം ആദ്യ മുക്കാൽഭാഗം):
വാരാന്ത്യത്തോടെ ജോലിയിൽ മികച്ച നേട്ടങ്ങൾ ഉണ്ടാക്കാനും ശത്രുക്കളുടെ നീക്കങ്ങളെ വിജയകരമായി അതിജീവിക്കാനും നിങ്ങൾക്ക് സാധിക്കും. എന്നാൽ, ദാമ്പത്യ ജീവിതത്തിലും കുടുംബത്തിലും ഈ വാരം കൂടുതൽ ശ്രദ്ധയും ജാഗ്രതയും പുലർത്തേണ്ടത് നിർണ്ണായകമാണ്. പങ്കാളികൾ തമ്മിൽ അനാവശ്യ തെറ്റിദ്ധാരണകളും വിശ്വാസക്കുറവും ഉണ്ടാകാനും അത് വലിയ തർക്കങ്ങളിലേക്ക് നയിക്കാനും സാധ്യത കാണുന്നു. കുട്ടികൾക്ക് ചെറിയ ആരോഗ്യപരമായ ബുദ്ധിമുട്ടുകൾ ഉണ്ടായേക്കാം. സ്വത്ത് സംബന്ധമായ കോടതി കേസുകളിൽ താൽക്കാലിക പരാജയം നേരിടേണ്ടി വന്നേക്കാം. സർക്കാർ തലത്തിലുള്ള അന്വേഷണങ്ങളോ സാമ്പത്തികമായ നൂലാമാലകളോ നേരിടേണ്ടി വന്നേക്കാമെന്നതിനാൽ രേഖകൾ കൈകാര്യം ചെയ്യുമ്പോൾ ശ്രദ്ധിക്കുക.
കർക്കിടകം രാശി (പുണർതം അവസാന കാൽഭാഗം, പൂയം, ആയില്യം):
വാരത്തിന്റെ തുടക്കത്തിൽ മറ്റുള്ളവരെ സഹായിക്കാൻ സന്മനസ്സ് കാണിക്കുമെങ്കിലും, തിരിച്ച് ചിലരിൽ നിന്ന് തിക്താനുഭവങ്ങൾ ഉണ്ടാകാൻ സാധ്യതയുള്ളതിനാൽ ജാഗ്രത പാലിക്കുക. ജാതകപ്രകാരം ചൊവ്വയുടെ സ്ഥാനം അനുകൂലമല്ലെങ്കിൽ സ്വത്തുക്കൾ സംബന്ധിച്ച ചില പ്രതിസന്ധികൾ വരാനിടയുണ്ട്. ഉദര സംബന്ധമായ അസ്വസ്ഥതകൾ അലട്ടിയേക്കാമെന്നതിനാൽ ഭക്ഷണ കാര്യങ്ങളിൽ ശ്രദ്ധ ചെലുത്തുക. വാരമധ്യത്തോടെ കാര്യങ്ങൾ അനുകൂലമാകും; രാഷ്ട്രീയ രംഗത്ത് പ്രവർത്തിക്കുന്നവർക്ക് വലിയ പേരും പ്രശസ്തിയും കൈവരും. മേലധികാരിയുടെ പൂർണ്ണ പ്രശംസ ലഭിക്കുവാനും ജോലിയിൽ ഉയർന്ന പദവികൾ ലഭിക്കുവാനും ഇടയുണ്ട്. വളരെക്കാലമായി കാണാതിരുന്ന പ്രിയപ്പെട്ട ബന്ധുക്കളെ കണ്ടുമുട്ടാൻ അവസരം ലഭിക്കും.
ചിങ്ങം രാശി (മകം, പൂരം, ഉത്രം ആദ്യ കാൽഭാഗം):
വാരത്തിന്റെ തുടക്കത്തിൽ രാഷ്ട്രീയ മേഖലയിൽ പ്രവർത്തിക്കുന്നവർക്ക് ജനസമ്മതിയും പ്രശസ്തിയും അംഗീകാരവും ലഭിച്ചേക്കാം. എന്നാൽ വാരമധ്യത്തോടെ സാഹചര്യങ്ങളിൽ അല്പം മാറ്റം വരാം; ശത്രുക്കളുടെ ഉപദ്രവങ്ങൾ വർദ്ധിക്കാനും നേത്രരോഗങ്ങൾ, വാതരോഗങ്ങൾ തുടങ്ങിയ ആരോഗ്യപ്രശ്നങ്ങൾ അലട്ടാനും സാധ്യതയുണ്ട്. ചില നിയമപരമായ വ്യവഹാരങ്ങളിൽ താൽക്കാലിക തിരിച്ചടികളും തൊഴിൽപരമായ ക്ലേശങ്ങളും വർദ്ധിച്ചേക്കാം. കഠിനാധ്വാനത്തിന് അർഹമായ പ്രതിഫലം ലഭിക്കാത്ത അവസ്ഥ ഉണ്ടാകുന്നത് മാനസിക വിഷമമുണ്ടാക്കാം. അനാവശ്യമായ കൂട്ടുകെട്ടുകൾ മൂലം മാനഹാനിക്ക് സാധ്യതയുള്ളതിനാൽ സൗഹൃദങ്ങൾ തിരഞ്ഞെടുക്കുമ്പോൾ ശ്രദ്ധിക്കുക. എങ്കിലും വാരന്ത്യത്തോടെ തൊഴിൽ വിജയവും സാമ്പത്തിക പുരോഗതിയും വീണ്ടെടുക്കാൻ സാധിക്കും.
കന്നി രാശി (ഉത്രം അവസാന മുക്കാൽഭാഗം, അത്തം, ചിത്തിര ആദ്യ പകുതിഭാഗം):
വാരത്തിന്റെ തുടക്കത്തിൽ തൊഴിൽ വിജയം, ശത്രുഹാനി, ഉദ്യോഗത്തിൽ ഉയർന്ന സ്ഥാനലബ്ധി എന്നിവയ്ക്ക് യോഗമുണ്ട്. എഴുത്തുകാർക്കും സർഗ്ഗാത്മക രംഗത്തുള്ളവർക്കും തങ്ങളുടെ സൃഷ്ടികൾക്ക് വലിയ അംഗീകാരം ലഭിക്കുന്ന നല്ല കാലമാണിത്. ലോട്ടറി പോലുള്ള ഭാഗ്യപരീക്ഷണങ്ങളിലൂടെ അപ്രതീക്ഷിത ധനലാഭത്തിനും സാധ്യത കാണുന്നു. എന്നാൽ വാരമധ്യത്തോടെ ബന്ധുജനങ്ങളുമായി ചെറിയ വിരോധം ഉണ്ടാകുവാൻ ഇടയുണ്ട്. തന്റേതല്ലാത്ത കാരണത്താൽ അനാവശ്യമായ അപവാദങ്ങൾ കേൾക്കേണ്ടി വന്നേക്കാം. മാനസികമായും ശാരീരികമായും ചില സുഖക്കുറവുകൾ അനുഭവപ്പെടാൻ സാധ്യതയുണ്ട്. കരിയറിലും കുടുംബത്തിലും തീരുമാനങ്ങൾ എടുക്കുമ്പോൾ ജീവിതപങ്കാളിയുടെ നല്ല നിർദ്ദേശങ്ങൾ സ്വീകരിക്കുന്നത് പല നഷ്ടങ്ങളും കലഹങ്ങളും ഒഴിവാക്കാൻ ഉപകരിക്കും.
തുലാം രാശി (ചിത്തിര അവസാന പകുതിഭാഗം, ചോതി, വിശാഖം ആദ്യ മുക്കാൽഭാഗം):
ഈശ്വരാധീനം വർദ്ധിക്കുകയും സമൂഹത്തിൽ നിങ്ങൾ പറയുന്ന വാക്കുകൾക്ക് വലിയ സ്വാധീനവും ശക്തിയും ലഭിക്കുകയും ചെയ്യുന്ന നല്ല സമയമാണിത്. രാഷ്ട്രീയ രംഗത്തുള്ളവർക്ക് പദവികളിൽ വലിയ ഉയർച്ചയും ശത്രുക്കളുടെ മേൽ വ്യക്തമായ വിജയവും ഉണ്ടാകും. സർക്കാർ ഉദ്യോഗസ്ഥർക്ക് സ്ഥാനക്കയറ്റത്തിനും അനുകൂലമായ ദൂരദേശ വാസത്തിനും (Transfer) യോഗമുണ്ട്. ജീവിത സുഖസൗകര്യങ്ങൾ വർദ്ധിക്കുന്നതോടൊപ്പം നവീന ഗൃഹോപകരണങ്ങൾ വാങ്ങാനും സാധിക്കും. എന്നാൽ വാരത്തിന്റെ അവസാനത്തോടെ അതീവ ജാഗ്രത പുലർത്തുക; ആരുടെയെങ്കിലും ഭാഗത്തുനിന്ന് ചതിക്കപ്പെടാനോ അപ്രതീക്ഷിതമായി വിശ്വാസവഞ്ചന നേരിടേണ്ടി വരാനോ ഇടയുണ്ട്.
വൃശ്ചികം രാശി (വിശാഖം അവസാന കാൽഭാഗം, അനിഴം, തൃക്കേട്ട):
വാരത്തിന്റെ തുടക്കത്തിൽ അനാവശ്യമായ കൂട്ടുകെട്ടുകളോ സൗഹൃദങ്ങളോ വലിയ മാനഹാനിക്കും ധനനഷ്ടത്തിനും ഇടയാക്കിയേക്കാം എന്നതിനാൽ ശ്രദ്ധിക്കുക. ചില തെറ്റിദ്ധാരണകൾ കാരണം ജോലിസ്ഥലത്ത് മേലധികാരിയുടെ അപ്രീതി സമ്പാദിക്കാൻ സാധ്യത കാണുന്നു. മാതാപിതാക്കൾക്ക് സന്താനങ്ങളുടെ കാര്യങ്ങളിൽ ചെറിയ മനഃക്ലേശം ഉണ്ടായേക്കാം. എന്നാൽ വാരമധ്യത്തോടെ കാര്യങ്ങൾ തികച്ചും ശുഭകരമായി മാറും; സംഗീതം, നൃത്തം തുടങ്ങിയ കലാപരമായ മേഖലകളിൽ പ്രവർത്തിക്കുന്നവർക്ക് മികച്ച പുതിയ അവസരങ്ങൾ തേടിവരുന്ന വാരമാണിത്. ശത്രുനാശം, ധനനേട്ടം, ദാമ്പത്യ ഐക്യം എന്നിവയും ഈ വാരത്തിന്റെ മധ്യത്തോടെ പ്രതീക്ഷിക്കാം..
ധനു രാശി (മൂലം, പൂരാടം, ഉത്രാടം ആദ്യ കാൽഭാഗം):
വലിയ അപകടങ്ങളിൽ നിന്നോ വാഹനാപകടങ്ങളിൽ നിന്നോ അത്ഭുതപൂർവ്വമായി രക്ഷപ്പെടുന്നതിനുള്ള യോഗം കാണുന്നു. ഹൃദ്രോഗം, നേത്രരോഗം എന്നിവയുള്ളവർ ആരോഗ്യ കാര്യങ്ങളിൽ ഒട്ടും വിട്ടുവീഴ്ച ചെയ്യാതെ വിദഗ്ദ്ധ ചികിത്സ തേടുന്നത് ഉചിതമാണ്. അനാവശ്യമായ കോപം ജീവിതത്തിൽ പലതരത്തിലുള്ള നാശനഷ്ടങ്ങൾ ഉണ്ടാക്കാനും ദ്രവ്യനാശത്തിനും മാനഹാനിക്കും കാരണമാവുകയും ചെയ്യുമെന്നതിനാൽ ആത്മസംയമനം പാലിക്കുക. അനാവശ്യ ചെലവുകൾ വർദ്ധിക്കാതിരിക്കാൻ പണമിടപാടുകളിൽ നിയന്ത്രണം കൊണ്ടുവരിക. വാരത്തിന്റെ അവസാനത്തോടെ വലിയ സാമ്പത്തിക ഉന്നതി, സ്ഥാനക്കയറ്റം, മനഃസന്തോഷം എന്നിവ നിങ്ങളെ തേടിയെത്തും.
മകരം രാശി (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതിഭാഗം):
വാരത്തിന്റെ തുടക്കത്തിൽ വിദേശവാസം ആഗ്രഹിക്കുന്നവർക്ക് അതിനുള്ള തടസ്സങ്ങൾ നീങ്ങും; വിദേശ ജോലി, വ്യാപാരം എന്നിവ വഴി വലിയ ധനലാഭം ഉണ്ടാകും. പുതിയ വീട് സ്വന്തമാക്കാനുള്ള യോഗവും (ഗൃഹയോഗം) കുടുംബത്തിൽ ശുഭകരമായ മംഗളകർമ്മങ്ങൾ നടക്കാനുള്ള സാധ്യതയും കാണുന്നു. അപ്രതീക്ഷിതമായ ചില ഭാഗ്യാനുഭവങ്ങൾ നിങ്ങളെ തേടിയെത്തും. എന്നാൽ വാരമധ്യത്തോടെ കുടുംബാംഗങ്ങളുടെ അനാവശ്യമായ ഇടപെടലുകൾ മൂലം മാനസിക സമ്മർദ്ദം ഉണ്ടാകുവാൻ ഇടയുണ്ട്. സന്താനക്ലേശത്തിനും യാത്രാവേളകളിൽ ജലഭയത്തിനും സാധ്യതയുള്ളതിനാൽ ശ്രദ്ധിക്കുക.
കുംഭം രാശി (അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാൽഭാഗം):
ആരോഗ്യ കാര്യങ്ങളിലും സാമ്പത്തിക ഇടപാടുകളിലും ചില ഏറ്റക്കുറച്ചിലുകൾ അനുഭവപ്പെടുന്ന വാരമാണിത്. രാഷ്ട്രീയത്തിൽ പ്രവർത്തിക്കുന്നവർക്ക് ചില സുപ്രധാന നേട്ടങ്ങൾ ലഭിക്കാൻ സാധ്യതയുണ്ട്. എന്നാൽ, ജീവിതപങ്കാളിക്കോ അടുത്ത ബന്ധുക്കൾക്കോ പെട്ടെന്നുണ്ടാകുന്ന അസുഖങ്ങളോ താൽക്കാലികമായ വിരഹമോ വിഷമമുണ്ടാക്കാം; അമിതമായ കോപശീലം പല ബുദ്ധിമുട്ടുകളും വിളിച്ചുവരുത്തിയേക്കാം എന്നതിനാൽ ശാന്തത പാലിക്കുക. സഹോദരസ്ഥാനത്തുള്ളവരിൽ നിന്നും മികച്ച സഹായ സഹകരണങ്ങൾ ഈ വാരം പ്രതീക്ഷിക്കാം. ഉദരരോഗം, ഹൃദ്രോഗം എന്നിവയുള്ളവർ ആരോഗ്യത്തിൽ അതീവ ജാഗ്രത പുലർത്തുക.
മീനം രാശി (പൂരൂരുട്ടാതി അവസാന കാൽഭാഗം, ഉതൃട്ടാതി, രേവതി):
ശത്രുക്കളെ ബുദ്ധിപൂർവ്വം അതിജീവിക്കാനുള്ള ശേഷി വർദ്ധിക്കുകയും തൊഴിൽ രംഗത്ത് വലിയ വിജയവും ഉയർന്ന സ്ഥാനലബ്ധിയും ലഭിക്കുകയും ചെയ്യുന്ന അനുകൂല വാരമാണിത്. രാഷ്ട്രീയ രംഗത്ത് പ്രവർത്തിക്കുന്നവർക്ക് പുതിയ പദവികളും ഉന്നത സ്ഥാനമാനങ്ങളും നേടാനും തങ്ങളുടെ പ്രവർത്തനങ്ങളിൽ വലിയ വിജയം കൈവരിക്കാനും പ്രശസ്തി വർദ്ധിപ്പിക്കാനും സാധിക്കും. എഴുത്തുകാർക്കും കലാകാരന്മാർക്കും അവരുടെ സൃഷ്ടികൾക്ക് അർഹമായ വലിയ അംഗീകാരങ്ങൾ ലഭിക്കുന്ന സമയമാണിത്. അന്യദേശവാസം അല്ലെങ്കിൽ ദൂരദേശത്തെ തൊഴിൽ സംബന്ധമായ കാര്യങ്ങളിൽ അനുകൂലമായ തീരുമാനങ്ങൾ പ്രതീക്ഷിക്കാം.
അറിയിപ്പ്:
പൊതുഫലങ്ങൾ ആ കൊടുത്തിരിക്കുന്ന നിശ്ചിത കാലയളവിലെ പൊതു ഗ്രഹനിലയെ അടിസ്ഥാനമാക്കിയുള്ള പ്രവചനങ്ങളാണ്. ഓരോ വ്യക്തിയും അനുഭവയോഗത്തിൽ വരുന്ന ഫലങ്ങൾ, ആ സമയത്തെ പൊതു ഗ്രഹനിലയ്ക്ക് പുറമെ ആ വ്യക്തിയുടെ ജനന സമയത്തെ ഗ്രഹനില, അതിൽ നിന്നുണ്ടാകുന്ന യോഗങ്ങൾ, നിലവിലെ ദശാപഹാരം അന്തരപഹാരങ്ങൾ എന്നിവയെയൊക്കെ ആശ്രയിച്ചിരിക്കും. എന്നിരുന്നാലും, ഇവിടെ കൊടുത്തിരിക്കുന്ന പൊതുഫലങ്ങളെ ഒരു സൂചനയായി ഉപയോഗിച്ചു, വിശദമായ ജാതക വിശകലനം നടത്തി ദശാനാഥനെ പ്രീതിപ്പെടുത്താനുള്ള വഴികൾ തേടുകയും ദോഷപരിഹാരങ്ങൾ അനുഷ്ഠിക്കുകയും ചെയ്താൽ, അനുകൂല സമയങ്ങളുടെ ഗുണഫലങ്ങൾ പരമാവധി നേടിയെടുക്കാനും പ്രതികൂല സമയങ്ങളിൽ മുൻകരുതലോടെ സുഗമമായി തരണം ചെയ്യാനും സാധിക്കും.
