മേടം രാശി (അശ്വതി, ഭരണി, കാർത്തിക ആദ്യ കാൽഭാഗം):
ഈ വാരത്തിന്റെ തുടക്കത്തിൽ ചില പ്രതിബന്ധങ്ങളും എതിർപ്പുകളും നേരിടേണ്ടി വന്നേക്കാം. സാമ്പത്തിക ഇടപാടുകളിൽ കൂടുതൽ ശ്രദ്ധ ആവശ്യമാണ്. കുടുംബബന്ധങ്ങളിലും അയൽപക്കങ്ങളിലും ചെറിയ അഭിപ്രായവ്യത്യാസങ്ങൾ ഉണ്ടാകാൻ സാധ്യതയുണ്ടെങ്കിലും ക്ഷമയോടെയുള്ള സമീപനം ഗുണം ചെയ്യും. ഉദരസംബന്ധമായ ബുദ്ധിമുട്ടുകൾ ഉള്ളവർ ആരോഗ്യകാര്യത്തിൽ കൃത്യമായ ശ്രദ്ധ നൽകേണ്ടത് അത്യാവശ്യമാണ്. എന്നാൽ, ആഴ്ചയുടെ അവസാനത്തോടെ ഈ വെല്ലുവിളികളെല്ലാം മാറിനിൽക്കും. ദാമ്പത്യ ജീവിതത്തിൽ ഐക്യവും തൊഴിൽ രംഗത്ത് മികച്ച നേട്ടങ്ങളും സാമ്പത്തിക ഉന്നതിയും ഉണ്ടാകും. മനസ്സിന്റെ ആഗ്രഹങ്ങൾ സഫലമാകുന്ന ഒരു സമയമാണിത്.
ഇടവം രാശി (കാർത്തിക അവസാന മുക്കാൽ ഭാഗം, രോഹിണി, മകയിര്യം ആദ്യ പകുതിഭാഗം):
വാരത്തിന്റെ തുടക്കം അതീവ സന്തോഷകരമായ അനുഭവങ്ങളാൽ നിറയും. ദാമ്പത്യ ജീവിതത്തിൽ സന്തോഷം, വാഹനം വഴിയുള്ള നേട്ടങ്ങൾ, തൊഴിൽ വിജയങ്ങൾ, സാമ്പത്തിക ലാഭം എന്നിവ ഈ സമയത്ത് പ്രതീക്ഷിക്കാം. വാരത്തിന്റെ മധ്യത്തോടെ ആരോഗ്യ കാര്യങ്ങളിൽ കൂടുതൽ ശ്രദ്ധ ആവശ്യമായി വരും. ശത്രുക്കളുടെ ഭാഗത്തുനിന്നും ചില ബുദ്ധിമുട്ടുകൾ ഉണ്ടാകാം. നിയമപരമായ കാര്യങ്ങളിൽ കൂടുതൽ ജാഗ്രത പുലർത്തുക; പ്രധാനപ്പെട്ട രേഖകളിൽ ഒപ്പിടുമ്പോൾ അതീവ ശ്രദ്ധയോടെ കാര്യങ്ങൾ മനസ്സിലാക്കി മാത്രം പ്രവർത്തിക്കുക, അല്ലാത്തപക്ഷം ചില തിരിച്ചടികൾക്ക് സാധ്യതയുണ്ട്. വാരം അവസാനത്തോടെ കർമ്മരംഗത്ത് മികച്ച പുരോഗതി കൈവരിക്കും. ബിസിനസ്സുകാർക്ക് പുതിയ അവസരങ്ങൾ ലഭിക്കും. കുടുംബത്തിൽ മംഗളകരമായ കാര്യങ്ങൾ നടക്കാനും സാമ്പത്തിക ലാഭമുണ്ടാകാനും യോഗമുണ്ട്..
മിഥുനം രാശി (മകയിര്യം അവസാന പകുതിഭാഗം, തിരുവാതിര, പുണർതം ആദ്യ മുക്കാൽഭാഗം):
ഈ വാരം കുടുംബാംഗങ്ങളിൽ നിന്നും ബന്ധുക്കളിൽ നിന്നും മികച്ച പിന്തുണയും സഹായങ്ങളും ലഭ്യമാകും. വീട്ടിൽ സന്തോഷകരമായ മുഹൂർത്തങ്ങൾ ഉണ്ടാകാൻ സാധ്യതയുണ്ട്. പഴയകാല സുഹൃത്തുക്കളെയും ബന്ധുക്കളെയും കാണാനും അവരുമായി നല്ല നിമിഷങ്ങൾ പങ്കിടാനും അവസരം ലഭിക്കും. ദാമ്പത്യ ജീവിതത്തിൽ ഐക്യവും മനസ്സിൽ സന്തോഷവും തൊഴിൽ രംഗത്ത് വിജയവും ലഭിക്കും. എന്നാൽ, ആഴ്ചയുടെ അവസാനത്തോടെ വഴിവിട്ട ബന്ധങ്ങൾ, അനാവശ്യ കൂട്ടുകെട്ടുകൾ എന്നിവ മൂലം ചില തെറ്റിദ്ധാരണകൾക്ക് സാധ്യതയുണ്ട്. സാമ്പത്തിക കാര്യങ്ങളിൽ സൂക്ഷ്മത പുലർത്തുന്നത് കുടുംബത്തിൽ സമാധാനം നിലനിർത്താൻ സഹായിക്കും; അല്ലാത്തപക്ഷം കേസ് വഴക്കുകൾ ഉണ്ടാവാൻ ഇടയുണ്ട്.
കർക്കിടകം രാശി (പുണർതം അവസാന കാൽഭാഗം, പൂയം, ആയില്യം):
വാരത്തിന്റെ തുടക്കത്തിൽ ചില ആരോഗ്യപരമായ ശ്രദ്ധ ആവശ്യമായി വന്നേക്കാം; പ്രത്യേകിച്ച് ഉദരസംബന്ധമായ പ്രശ്നങ്ങളും അലർജികളും ശ്രദ്ധിക്കുക. യാത്രാക്ലേശം ഉണ്ടാവുകയും യാത്രകളിൽ അപകടങ്ങൾ ഉണ്ടാകുവാനും സാധ്യതയുള്ളതിനാൽ അതീവ ജാഗ്രത പാലിക്കുക. വാരത്തിന്റെ മധ്യത്തോടെ കാര്യങ്ങൾ അനുകൂലമാകും. സമൂഹത്തിൽ സ്ഥാനമാനങ്ങൾ ലഭിക്കും. ദാമ്പത്യ ഐക്യവും തൊഴിൽ രംഗത്ത് വിജയവും പ്രതീക്ഷിക്കാം. കുടുംബത്തിൽ സമാധാനപരമായ അന്തരീക്ഷം നിലനിൽക്കും. ഏറെക്കാലമായി ആഗ്രഹിച്ച വാഹനം സ്വന്തമാക്കാൻ സാധിക്കും. ബിസിനസ്സിൽ പുതിയ വരുമാന മാർഗ്ഗങ്ങൾ തുറന്നു വരികയും അതുവഴി പുതിയ ബന്ധങ്ങൾ ഉടലെടുക്കുകയും ചെയ്യും. എന്നാൽ വാരം അവസാനം ശത്രുദോഷം, വ്യവഹാര പരാജയം, മനഃശാന്തിക്കുറവ് എന്നിവ അനുഭവപ്പെടാം.
ചിങ്ങം രാശി (മകം, പൂരം, ഉത്രം ആദ്യ കാൽഭാഗം):
അനാവശ്യമായ ബുദ്ധിമുട്ടുകൾ ഒഴിവാക്കാൻ ഈ വാരം ഭക്ഷണ കാര്യങ്ങളിൽ കൂടുതൽ ശ്രദ്ധ പുലർത്തുക. യാത്രാ സാധ്യതകൾ വർദ്ധിക്കുന്ന ഒരു മാറ്റം തൊഴിൽ രംഗത്ത് പ്രതീക്ഷിക്കാം. തുടക്കത്തിൽ ചില ആരോഗ്യപരമായ വെല്ലുവിളികൾ നേരിടേണ്ടി വന്നേക്കാം, എന്നാൽ ആഴ്ചയുടെ അവസാനത്തോടെ ഈ ബുദ്ധിമുട്ടുകളെല്ലാം മാറും. സാമ്പത്തികമായി വലിയ മുന്നേറ്റം ഉണ്ടാകും; ശത്രുക്കളുടെ മേൽ വിജയം നേടാനും നിയമപരമായ കാര്യങ്ങളിൽ അനുകൂലമായ വിധി ലഭിക്കാനും സാധ്യതയുണ്ട്. ആരോഗ്യപരമായ ബുദ്ധിമുട്ടുകളിൽ നിന്ന് മോചനം ലഭിക്കും. പങ്കാളിത്ത ബിസിനസ്സുകളിൽ (Partnership Business) വലിയ ലാഭം പ്രതീക്ഷിക്കാവുന്ന സമയമാണിത്. കുടുംബത്തിൽ സമാധാനവും സന്തോഷവും തിരിച്ചെത്തുന്ന ഒരു വാരമാണിത്.
കന്നി രാശി (ഉത്രം അവസാന മുക്കാൽഭാഗം, അത്തം, ചിത്തിര ആദ്യ പകുതിഭാഗം):
ഈ വാരം എതിർപ്പുകളെ മറികടന്ന് വിജയം നേടാൻ സാധിക്കും. നിയമപരമായ കാര്യങ്ങളിൽ അനുകൂലമായ തീരൂമാനങ്ങൾ ഉണ്ടാകും. ഏത് കാര്യങ്ങളിലും ആത്മവിശ്വാസത്തോടെ ഇറങ്ങിത്തിരിക്കാനും വിജയം നേടാനും കഴിയും. ആത്മീയമായ ചിന്തകൾ വർദ്ധിക്കുകയും ശാരീരികമായ ഉന്മേഷം അനുഭവപ്പെടുകയും ചെയ്യും. എന്നാൽ, കുടുംബപരമായ ചില അസ്വസ്ഥതകൾക്ക് സാധ്യതയുണ്ട്. ഉദരസംബന്ധമായ പ്രശ്നങ്ങൾ, മൈഗ്രേൻ, നേത്രസംബന്ധമായ ബുദ്ധിമുട്ടുകൾ ഉള്ളവർ വിദഗ്ദ്ധ ചികിത്സ തേടുന്നത് ഉചിതമായിരിക്കും. ഭക്ഷണത്തിൽ ശ്രദ്ധിക്കുക; ഭക്ഷ്യവിഷബാധ ഏൽക്കുവാൻ സാധ്യതയുണ്ട്. വാരം അവസാനം കുടുംബത്തിൽ ഒരു ശുഭകാര്യം നടക്കാൻ ഇടയുണ്ട്.
തുലാം രാശി (ചിത്തിര അവസാന പകുതിഭാഗം, ചോതി, വിശാഖം ആദ്യ മുക്കാൽഭാഗം):
വാരത്തിന്റെ തുടക്കത്തിൽ മനസ്സിനെ അസ്വസ്ഥമാക്കുന്ന സാഹചര്യങ്ങൾ ഉണ്ടായേക്കാമെങ്കിലും, ആഴ്ചയുടെ മധ്യത്തോടെ കാര്യങ്ങൾ മെച്ചപ്പെടാൻ തുടങ്ങും. ദാമ്പത്യ ജീവിതത്തിൽ നിലനിന്നിരുന്ന അഭിപ്രായവ്യത്യാസങ്ങൾ അവസാനിക്കുകയും സ്നേഹവും പരസ്പര ധാരണയും വർദ്ധിക്കുകയും ചെയ്യും. തൊഴിൽ രംഗത്ത് വിജയം കൈവരിക്കാനും മേലധികാരികളിൽ നിന്ന് അഭിനന്ദനം നേടാനും സാധ്യതയുണ്ട്. ശിരോരോഗങ്ങൾ ഉള്ളവർ കൃത്യസമയത്ത് വൈദ്യസഹായം തേടിയില്ലെങ്കിൽ രോഗം മൂർച്ഛിക്കാൻ സാധ്യതയുണ്ട്. എന്നാൽ, ആഴ്ചയുടെ അവസാനം പ്രിയപ്പെട്ടവരുടെ ആരോഗ്യ കാര്യങ്ങളിൽ കൂടുതൽ ശ്രദ്ധ നൽകേണ്ടി വന്നേക്കാം. ഏറ്റവും വേണ്ടപ്പെട്ടവർക്ക് ആരോഗ്യപരമായ കടുത്ത ദുരിതങ്ങൾക്കോ വിയോഗങ്ങൾക്കോ സാധ്യതയുണ്ട്.
വൃശ്ചികം രാശി (വിശാഖം അവസാന കാൽഭാഗം, അനിഴം, തൃക്കേട്ട):
ഈ വാരം ആരോഗ്യപരമായ ബുദ്ധിമുട്ടുകളിൽ നിന്ന് മോചനം ലഭിച്ച് പൂർണ്ണ ആരോഗ്യം വീണ്ടെടുക്കും. നല്ല കാര്യങ്ങൾ ചെയ്യാനും സൽപ്പേര് നേടാനുമുള്ള അവസരങ്ങൾ ഉണ്ടാകും. ലോട്ടറി വഴിയോ മറ്റ് ഭാഗ്യപരീക്ഷണങ്ങളിലൂടെയോ വലിയ സാമ്പത്തിക ലാഭം പ്രതീക്ഷിക്കാം. വാരത്തിന്റെ മധ്യത്തിൽ കുടുംബപരമായി ചില വെല്ലുവിളികൾ ഉണ്ടാവാമെങ്കിലും, ആത്മവിശ്വാസത്തോടെ അവയെല്ലാം മറികടക്കാൻ സാധിക്കും. നേത്രസംബന്ധമായ പ്രശ്നങ്ങളുള്ളവർ കൃത്യസമയത്ത് വൈദ്യോപദേശം തേടുന്നത് അഭികാമ്യമായിരിക്കും. സഹോദരങ്ങൾക്ക് ജീവിതത്തിൽ ഉണ്ടായിരുന്ന പല പ്രതിസന്ധികളും അതിജീവിക്കാൻ സാധിക്കും. വിദേശയാത്രയ്ക്കുള്ള ആഗ്രഹങ്ങൾ സഫലീകരിക്കുന്ന സമയമാണിത്. വാരത്തിന്റെ അവസാനത്തോടെ മാതൃസ്ഥാനത്തോ പിതൃസ്ഥാനത്തോ ഉള്ളവർക്ക് രോഗമോ അരിഷ്ടതയോ ഉണ്ടായേക്കാം..
ധനു രാശി (മൂലം, പൂരാടം, ഉത്രാടം ആദ്യ കാൽഭാഗം):
ഈ വാരം അനാവശ്യമായ കൂട്ടുകെട്ടുകൾ ഒഴിവാക്കുന്നത് സാമ്പത്തിക നഷ്ടവും മാനഹാനിയും തടയും. ചില സാഹചര്യങ്ങളിൽ തെറ്റിദ്ധാരണകൾക്ക് സാധ്യതയുണ്ട്. വഴിവിട്ട ബന്ധങ്ങൾ മുഖേന പേരുദോഷം കേൾക്കുവാനും അതുവഴി മനോവിഷമം അനുഭവിക്കാനും യോഗമുണ്ട്. അമിതമായ ആഡംബര പ്രിയം സാമ്പത്തിക കാര്യങ്ങളിൽ ശ്രദ്ധക്കുറവ് വരുത്താം. തൊഴിൽ രംഗത്ത് ചെറിയ കാലതാമസങ്ങൾ ഉണ്ടായേക്കാമെങ്കിലും, വാരത്തിന്റെ മധ്യത്തോടെ അപ്രതീക്ഷിതമായ ഭാഗ്യാനുഭവങ്ങളും സാമ്പത്തിക ലാഭവും ഉണ്ടാകും. ശിരോരോഗങ്ങൾ ഉള്ളവർ ജാഗ്രത പാലിക്കുന്നത് ഉചിതമായിരിക്കും. മേലധികാരികളിൽ നിന്ന് മികച്ച സേവനത്തിനുള്ള അംഗീകാരങ്ങളും സമ്മാനങ്ങളും ലഭിക്കാൻ സാധ്യതയുണ്ട്.
മകരം രാശി (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതിഭാഗം):
ഈ വാരം ദാമ്പത്യ ജീവിതത്തിൽ ഐക്യവും തൊഴിൽ രംഗത്ത് വിജയവും സാമ്പത്തിക ലാഭവും നല്ല സൗഹൃദങ്ങളും ലഭിക്കാൻ സാധ്യതയുണ്ട്. വളരെ നാളായി കാണാതിരുന്ന ബന്ധുക്കളെ കണ്ടുമുട്ടാനും പ്രധാനപ്പെട്ട ശുഭകാര്യങ്ങളിൽ പങ്കെടുക്കാനും സാധിക്കും. എന്നാൽ, വാരത്തിന്റെ മധ്യത്തിൽ ചില ആശയക്കുഴപ്പങ്ങൾ ഉണ്ടായേക്കാം. വാരത്തിന്റെ അവസാനത്തോടെ സാമ്പത്തികപരമായും കുടുംബപരമായും സമാധാനപരമായ അന്തരീക്ഷം ഉണ്ടാകും. ലോട്ടറി, നറുക്കെടുപ്പ് തുടങ്ങിയ ഭാഗ്യ പരീക്ഷണങ്ങളിൽ വിജയം നേടാൻ സാധ്യതയുണ്ട്.
കുംഭം രാശി (അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാൽഭാഗം):
കർമ്മരംഗത്ത് ഈ വാരം വലിയ നേട്ടങ്ങൾ ഉണ്ടാകും. സർക്കാർ ജോലിക്ക് അപേക്ഷിച്ചവർക്ക് അനുകൂലമായ ഫലം പ്രതീക്ഷിക്കാം. രാഷ്ട്രീയത്തിൽ പ്രവർത്തിക്കുന്നവർക്ക് ജനങ്ങളുടെ പിന്തുണയും ആദരവും ലഭിക്കും. കലാകാരന്മാർക്ക് പേരും പ്രശസ്തിയും സ്ഥാനമാനങ്ങളും ലഭിക്കുന്ന സമയമാണിത്. സർക്കാർ ജീവനക്കാർക്ക് സ്ഥാനക്കയറ്റമോ അനുകൂലമായ സ്ഥലമാറ്റമോ പ്രതീക്ഷിക്കാം. ബന്ധുക്കളോടൊപ്പം പുണ്യസ്ഥലങ്ങൾ സന്ദർശിക്കാനും ആഘോഷങ്ങളിൽ പങ്കെടുക്കാനും അവസരം ലഭിക്കും. എന്നാൽ, വാരം പുരോഗമിക്കുമ്പോൾ ചില തെറ്റിദ്ധാരണകൾക്ക് സാധ്യതയുണ്ട്. അനാവശ്യ ബന്ധങ്ങൾ മൂലം അപമാനം നേരിടേണ്ടി വന്നേക്കാം. വാരം അവസാനം അലങ്കാര വസ്തുക്കളുടെ വർദ്ധനവ്, ഭൂമി ലാഭം, ദാമ്പത്യ ഐക്യം എന്നിവ ഉണ്ടാകും.
മീനം രാശി (പൂരൂരുട്ടാതി അവസാന കാൽഭാഗം, ഉതൃട്ടാതി, രേവതി):
വാരത്തിന്റെ തുടക്കത്തിൽ ചെറിയ ആരോഗ്യപരമായ ബുദ്ധിമുട്ടുകൾ അനുഭവപ്പെട്ടേക്കാം. പ്രിയപ്പെട്ടവരിൽ നിന്ന് ചില തിരിച്ചടികൾ ഉണ്ടായേക്കാമെങ്കിലും, മനക്കരുത്തോടെ അവയെ അതിജീവിക്കാൻ സാധിക്കും. ബന്ധുക്കളെ സഹായിക്കാൻ പോകുമ്പോൾ ചില തിക്താനുഭവങ്ങൾ ഉണ്ടാവാം. വാരമധ്യത്തോടെ വിദ്യാർത്ഥികൾക്ക് പഠന വിഷയങ്ങളിൽ മികച്ച വിജയം നേടാൻ സാധിക്കും. സാമ്പത്തിക കാര്യങ്ങളിൽ വളരെക്കാലമായി ഉണ്ടായിരുന്ന പ്രതിസന്ധി മാറി പുതിയ വരുമാന മാർഗ്ഗങ്ങൾ തുറന്നു വരും. മനസ്സിൽ വിചാരിക്കുന്ന കാര്യങ്ങൾ നടക്കുന്ന സമയമായതിനാൽ, നല്ല ചിന്തകളോടെ മുന്നോട്ട് പോയാൽ ഈ വാരം വലിയ നേട്ടങ്ങൾ കൈവരിക്കാൻ സാധിക്കും. വാരം അവസാനം അനാവശ്യമായ പാഴ്ച്ചെലവോ അപമാനമോ നേരിടേണ്ടി വന്നേക്കാം.
അറിയിപ്പ്:
പൊതുഫലങ്ങൾ ആ കൊടുത്തിരിക്കുന്ന നിശ്ചിത കാലയളവിലെ പൊതു ഗ്രഹനിലയെ അടിസ്ഥാനമാക്കിയുള്ള പ്രവചനങ്ങളാണ്. ഓരോ വ്യക്തിയും അനുഭവയോഗത്തിൽ വരുന്ന ഫലങ്ങൾ, ആ സമയത്തെ പൊതു ഗ്രഹനിലയ്ക്ക് പുറമെ ആ വ്യക്തിയുടെ ജനന സമയത്തെ ഗ്രഹനില, അതിൽ നിന്നുണ്ടാകുന്ന യോഗങ്ങൾ, നിലവിലെ ദശാപഹാരം അന്തരപഹാരങ്ങൾ എന്നിവയെയൊക്കെ ആശ്രയിച്ചിരിക്കും. എന്നിരുന്നാലും, ഇവിടെ കൊടുത്തിരിക്കുന്ന പൊതുഫലങ്ങളെ ഒരു സൂചനയായി ഉപയോഗിച്ചു, വിശദമായ ജാതക വിശകലനം നടത്തി ദശാനാഥനെ പ്രീതിപ്പെടുത്താനുള്ള വഴികൾ തേടുകയും ദോഷപരിഹാരങ്ങൾ അനുഷ്ഠിക്കുകയും ചെയ്താൽ, അനുകൂല സമയങ്ങളുടെ ഗുണഫലങ്ങൾ പരമാവധി നേടിയെടുക്കാനും പ്രതികൂല സമയങ്ങളിൽ മുൻകരുതലോടെ സുഗമമായി തരണം ചെയ്യാനും സാധിക്കും.
