നക്ഷത്രഫലം: വ്യാഴാഴ്ച, 2026 ജൂൺ 25

മേടം രാശി (അശ്വതി, ഭരണി, കാർത്തിക ആദ്യ കാൽഭാഗം):

കാര്യവിജയം, ധനലാഭം, മനസ്സുഖം എന്നിവ പ്രതീക്ഷിക്കാവുന്ന ദിവസമാണിത്. സമൂഹത്തിൽ കീർത്തി, ശാരീരിക സുഖം, പ്രശസ്തി എന്നിവ വർദ്ധിക്കും. അപരിചിതരിൽ നിന്നോ അന്യ ജനങ്ങളിൽ നിന്നോ അനുകൂലമായ ഗുണാനുഭവങ്ങൾ ഉണ്ടാകും.

ഇടവം രാശി (കാർത്തിക അവസാന മുക്കാൽ ഭാഗം, രോഹിണി, മകയിര്യം ആദ്യ പകുതിഭാഗം):

ചെയ്യുന്ന പ്രവർത്തനങ്ങളിൽ വലിയ വിജയവും പ്രശസ്തിയും കൈവരും. പുതിയ വസ്ത്രങ്ങൾ, ആഭരണങ്ങൾ, അലങ്കാര വസ്തുക്കൾ എന്നിവ സ്വന്തമാക്കാൻ സാധിക്കും. മനസ്സന്തോഷം നിലനിൽക്കുകയും പങ്കാളിയിൽ നിന്നും മക്കളിൽ നിന്നും പൂർണ്ണമായ സുഖം അനുഭവപ്പെടുകയും ചെയ്യും..

മിഥുനം രാശി (മകയിര്യം അവസാന പകുതിഭാഗം, തിരുവാതിര, പുണർതം ആദ്യ മുക്കാൽഭാഗം):

എളുപ്പവഴിയിലൂടെ പണം സമ്പാദിക്കാനുള്ള പ്രവണതകൾ ഒഴിവാക്കുന്നത് ഭാവിയിലേക്ക് ഗുണം ചെയ്യും. അവിവേകപൂർണ്ണമായ പ്രവർത്തികളിൽ ഏർപ്പെടാനുള്ള സാഹചര്യങ്ങൾ വരാം. ചിലർക്ക് ധനനഷ്ടത്തിനോ മാനഹാനിക്കോ സാധ്യതയുള്ളതിനാൽ ജാഗ്രത പുലർത്തുക.

കർക്കിടകം രാശി (പുണർതം അവസാന കാൽഭാഗം, പൂയം, ആയില്യം):

ബന്ധുജനങ്ങളുമായി നിസ്സാര കാര്യങ്ങൾക്ക് അഭിപ്രായ വ്യത്യാസങ്ങളോ കലഹങ്ങളോ ഉണ്ടാകാതെ നോക്കണം. ഭക്ഷണകാര്യങ്ങളിൽ കൃത്യതയില്ലാത്തതിനാൽ സുഖക്കുറവ് അനുഭവപ്പെടാം. സാമൂഹിക ഇടപെടലുകളിൽ പക്വത കാണിക്കുന്നത് അനാവശ്യ വിവാദങ്ങളിൽ നിന്നും ധനനഷ്ടത്തിൽ നിന്നും സംരക്ഷിക്കും.

ചിങ്ങം രാശി (മകം, പൂരം, ഉത്രം ആദ്യ കാൽഭാഗം):

തൊഴിൽ വിജയം, സാമ്പത്തിക നേട്ടം, സമൂഹത്തിൽ നല്ല കീർത്തി എന്നിവ നിങ്ങളെ തേടിയെത്തും. അനുയോജ്യമായ വിവാഹാലോചനകൾ ഒത്തുവരാനും ദാമ്പത്യത്തിൽ ഐക്യം വർദ്ധിക്കാനും നല്ല സമയമാണ്. പുതിയ വസ്ത്രങ്ങൾ, ആഭരണങ്ങൾ എന്നിവ വാങ്ങാൻ സാധിക്കും. സർക്കാർ ജോലി ആഗ്രഹിക്കുന്നവർക്ക് അനുകൂല സാഹചര്യമുണ്ട്.

കന്നി രാശി (ഉത്രം അവസാന മുക്കാൽഭാഗം, അത്തം, ചിത്തിര ആദ്യ പകുതിഭാഗം):

ഉന്നത പദവികളിൽ ഉള്ള വ്യക്തികളിൽ നിന്നോ സർക്കാരിൽ നിന്നോ സുപ്രധാനമായ ഗുണാനുഭവങ്ങൾ ലഭിക്കും. സന്തോഷകരമായ ദാമ്പത്യ ജീവിതവും സന്താനസൗഭാഗ്യവും ഉണ്ടാകും. ഔദ്യോഗിക ആവശ്യങ്ങൾക്കായി വിദേശവാസത്തിനോ പുതിയ തൊഴിലിനോ സാധ്യത കാണുന്നു.

തുലാം രാശി (ചിത്തിര അവസാന പകുതിഭാഗം, ചോതി, വിശാഖം ആദ്യ മുക്കാൽഭാഗം):

പുതിയ സുഹൃത്തുക്കളെ പരിചയപ്പെടാനും അവരിൽ നിന്നും അനുകൂലമായ സഹായങ്ങൾ ലഭിക്കാനും അവസരമുണ്ടാകും. വ്യാപാര-ബിസിനസ്സ് രംഗത്തോ ഔദ്യോഗിക മേഖലയിലോ ഉള്ളവർക്ക് അർഹമായ സ്ഥാനക്കയറ്റവും മറ്റുള്ളവരുടെ മുന്നിൽ മാന്യതയും അംഗീകാരവും കൈവരും.

വൃശ്ചികം രാശി (വിശാഖം അവസാന കാൽഭാഗം, അനിഴം, തൃക്കേട്ട):

പ്രമേഹമോ നേത്രസംബന്ധമായ രോഗങ്ങളോ ഉള്ളവർ ആരോഗ്യകാര്യങ്ങളിൽ അതീവ ജാഗ്രത പുലർത്തണം. ഓഹരി വിപണി (ഷെയർ ട്രേഡിങ്ങ്), ലോട്ടറി, ഭാഗ്യപരീക്ഷണങ്ങൾ എന്നിവയിൽ ഏർപ്പെടുന്നത് സാമ്പത്തിക നഷ്ടത്തിന് കാരണമാകുമെന്നതിനാൽ അത്തരം ഇടപാടുകൾ പൂർണ്ണമായും ഒഴിവാക്കുക..

ധനു രാശി (മൂലം, പൂരാടം, ഉത്രാടം ആദ്യ കാൽഭാഗം):

വിവാഹ കാര്യങ്ങളിൽ അനുകൂലമായ തീരുമാനമുണ്ടാകും; പ്രണയബന്ധങ്ങൾ വിവാഹത്തിൽ എത്തിച്ചേരാൻ നല്ല സമയമാണ്. ബന്ധുജനങ്ങളിൽ നിന്ന് പിന്തുണയും ശാരീരികമായ സുഖവും പ്രതീക്ഷിക്കാം. ദീർഘകാലമായി അലട്ടിയിരുന്ന രോഗദുരിതങ്ങൾക്ക് ശമനവും ആശ്വാസവും ലഭിക്കും.

മകരം രാശി (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതിഭാഗം):

പല സുപ്രധാന കാര്യങ്ങളിലും അസാമാന്യമായ ചിന്താശക്തിയും ധൈര്യവും പ്രകടിപ്പിക്കുകയും അതിൽ വലിയ വിജയം നേടുകയും ചെയ്യും. പുതിയ വാഹന ഭാഗ്യം, നല്ല സുഹൃത്തുക്കളുടെ സഹായം, വിശിഷ്ട ഭോജനത്തിനുള്ള അവസരം എന്നിവ ലഭിക്കും.

കുംഭം രാശി (അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാൽഭാഗം):

എതിരാളികളിൽ നിന്നോ ശത്രുക്കളിൽ നിന്നോ ഉള്ള നീക്കങ്ങൾ പക്വതയോടെ കൈകാര്യം ചെയ്യുക; നിയമപരമായ തർക്കങ്ങളിലോ കേസുകളിലോ തിരിച്ചടികൾക്ക് സാധ്യത കാണുന്നു. ആമാശയം, ഉദരം എന്നിവയുമായി ബന്ധപ്പെട്ട അസുഖങ്ങൾ വരാൻ ഇടയുള്ളതിനാൽ ഭക്ഷണശുചിത്വത്തിൽ ശ്രദ്ധിക്കുക.

മീനം രാശി (പൂരൂരുട്ടാതി അവസാന കാൽഭാഗം, ഉതൃട്ടാതി, രേവതി):

നേത്രസംബന്ധമായോ തലസംബന്ധമായോ ഉള്ള ചെറിയ അസ്വസ്ഥതകൾ അനുഭവപ്പെട്ടാൽ വിദഗ്ദ്ധ ചികിത്സ തേടാൻ മടിക്കരുത്. യാത്രകളിലും വാഹനം ഓടിക്കുമ്പോഴും പൂർണ്ണമായ ശ്രദ്ധ പുലർത്തുക. ഭാര്യാഭർത്താക്കന്മാർ തമ്മിൽ പിണക്കങ്ങൾ ഒഴിവാക്കാൻ സംസാരത്തിൽ സംയമനം പാലിക്കുക.

ദിവസേനയുള്ള ജ്യോതിഷ പ്രവചനങ്ങളും കൃത്യതയാർന്ന ഫലങ്ങളും മൊബൈലിൽ നേരിട്ട് ലഭ്യമാക്കുന്നതിനായി താഴെ നൽകിയിരിക്കുന്ന ഫോം പൂരിപ്പിക്കാവുന്നതാണ്. https://forms.gle/yLwu67RCjgafvNiZ8

തയ്യാറാക്കിയത് ജയറാണി ഇ വി : +91 9746 812 212

(രണ്ട് പതിറ്റാണ്ടിലേറെയുള്ള പ്രവൃത്തിപരിചയവും പാരമ്പര്യ ജ്യോതിഷ പശ്ചാത്തലവുമുള്ള വിദഗ്ദ്ധ. ജ്യോതിഷം, വാസ്തു, സംഖ്യാശാസ്ത്രം തുടങ്ങിയ വിഷയങ്ങളിൽ ആധികാരികമായ മാർഗ്ഗനിർദ്ദേശങ്ങൾ നൽകുന്നു.)

അറിയിപ്പ്:

പൊതുഫലങ്ങൾ ആ കൊടുത്തിരിക്കുന്ന നിശ്ചിത കാലയളവിലെ പൊതു ഗ്രഹനിലയെ അടിസ്ഥാനമാക്കിയുള്ള പ്രവചനങ്ങളാണ്. ഓരോ വ്യക്തിയും അനുഭവയോഗത്തിൽ വരുന്ന ഫലങ്ങൾ, ആ സമയത്തെ പൊതു ഗ്രഹനിലയ്ക്ക് പുറമെ ആ വ്യക്തിയുടെ ജനന സമയത്തെ ഗ്രഹനില, അതിൽ നിന്നുണ്ടാകുന്ന യോഗങ്ങൾ, നിലവിലെ ദശാപഹാരം അന്തരപഹാരങ്ങൾ എന്നിവയെയൊക്കെ ആശ്രയിച്ചിരിക്കും. എന്നിരുന്നാലും, ഇവിടെ കൊടുത്തിരിക്കുന്ന പൊതുഫലങ്ങളെ ഒരു സൂചനയായി ഉപയോഗിച്ചു, വിശദമായ ജാതക വിശകലനം നടത്തി ദശാനാഥനെ പ്രീതിപ്പെടുത്താനുള്ള വഴികൾ തേടുകയും ദോഷപരിഹാരങ്ങൾ അനുഷ്ഠിക്കുകയും ചെയ്താൽ, അനുകൂല സമയങ്ങളുടെ ഗുണഫലങ്ങൾ പരമാവധി നേടിയെടുക്കാനും പ്രതികൂല സമയങ്ങളിൽ മുൻകരുതലോടെ സുഗമമായി തരണം ചെയ്യാനും സാധിക്കും.