മേടം രാശി (അശ്വതി, ഭരണി, കാർത്തിക ആദ്യ കാൽഭാഗം):
ആരംഭശൂരത്വവും ഉത്സാഹവും വർദ്ധിക്കുമെങ്കിലും വിവേകം കൈവിടാതിരിക്കുക. കോപവേഗങ്ങളും ധൃതിപിടിച്ച തീരുമാനങ്ങളും ഒഴിവാക്കുന്നത് ഗ്രഹദോഷങ്ങൾ അകറ്റി ഉദ്യമങ്ങളിൽ സിദ്ധി നൽകും.
നക്ഷത്രഫലം: 2026 ഓഗസ്റ്റ് 08, ശനിയാഴ്ച
ഇടവം രാശി (കാർത്തിക അവസാന മുക്കാൽ ഭാഗം, രോഹിണി, മകയിര്യം ആദ്യ പകുതിഭാഗം):
സുഖഭോഗങ്ങൾക്കും ഭവന അലങ്കാരങ്ങൾക്കും യോഗം കാണുന്നു. ആത്മബലവും നിശ്ചയദാർഢ്യവും വർദ്ധിപ്പിക്കുന്ന അനുഭവങ്ങൾ ഉണ്ടാകും. തടസ്സങ്ങളെ ഭേദിച്ച് തീരുമാനങ്ങളിൽ വിജയം കൈവരിക്കും..
മിഥുനം രാശി (മകയിര്യം അവസാന പകുതിഭാഗം, തിരുവാതിര, പുണർതം ആദ്യ മുക്കാൽഭാഗം):
വൈദേശിക യോഗത്തിനും ദൂരദേശ യാത്രകൾക്കും തടസ്സങ്ങൾ മാറും. ആശയവിനിമയ ശേഷിയാൽ ജനങ്ങളെ ആകർഷിക്കാനും ഉല്ലാസ അനുഭവങ്ങൾ സ്വന്തമാക്കാനും ശനിഗ്രഹാനുകൂല്യം തുണയ്ക്കും.
കർക്കിടകം രാശി (പുണർതം അവസാന കാൽഭാഗം, പൂയം, ആയില്യം):
ആസൂത്രിത നീക്കങ്ങളാൽ ദീർഘകാല ലക്ഷ്യങ്ങൾ കൈവരിക്കും. സാമൂഹിക ബന്ധങ്ങൾ ദൃഢമാകും. തീർത്ഥാടന യോഗവും പുണ്യക്ഷേത്ര ദർശനവും മനഃശാന്തിയും ആത്മീയ പുണ്യവും പ്രധാനം ചെയ്യും.
ചിങ്ങം രാശി (മകം, പൂരം, ഉത്രം ആദ്യ കാൽഭാഗം):
കർമ്മസ്ഥാനത്ത് അതീവ ശ്രദ്ധയും ഉത്തരവാദിത്തവും പുലർത്തും. പ്രയത്നത്തിന് തക്കതായ സർവ്വകാര്യ വിജയവും ഫലപ്രാപ്തിയും ലഭിക്കും. പ്രൊഫഷണൽ രംഗത്ത് സ്ഥാനമാന്യങ്ങൾ വർദ്ധിക്കും.
കന്നി രാശി (ഉത്രം അവസാന മുക്കാൽഭാഗം, അത്തം, ചിത്തിര ആദ്യ പകുതിഭാഗം):
ഭാഗ്യസ്ഥാനത്ത് ഗ്രഹാനുകൂല്യം ഉള്ളതിനാൽ വിദ്യാവിജയവും യാത്രായോഗവും കാണുന്നു. പിതൃതുല്യരുടെയും ഗുരുജനങ്ങളുടെയും ഉപദേശങ്ങൾ സ്വീകരിക്കുന്നത് ശ്രേയസ്സിനും ശുഭവാർത്തകൾക്കും കാരണമാകും.
തുലാം രാശി (ചിത്തിര അവസാന പകുതിഭാഗം, ചോതി, വിശാഖം ആദ്യ മുക്കാൽഭാഗം):
ഗൂഢവിദ്യകളിലും ഗവേഷണങ്ങളിലും വിജ്ഞാനം വർദ്ധിക്കും. സ്വത്ത് സംബന്ധമായ വിഷമസന്ധികളിൽ ക്ഷമയും മുൻകരുതലും പാലിക്കുക. വിവേകപൂർവ്വമായ ചിന്ത അപവാദം തടയും.
വൃശ്ചികം രാശി (വിശാഖം അവസാന കാൽഭാഗം, അനിഴം, തൃക്കേട്ട):
വ്യാപാര പങ്കാളിത്തങ്ങൾക്കും പുതിയ കരാറുകൾക്കും സുദിനമാണ്. രാജസേവയിലുള്ളവർക്ക് സ്ഥാനക്കയറ്റ യോഗം കാണുന്നു. കുടുംബത്തിൽ പിണക്കങ്ങൾ മാറി ദാമ്പത്യ സൗഖ്യം തിരികെ ലഭിക്കും..
ധനു രാശി (മൂലം, പൂരാടം, ഉത്രാടം ആദ്യ കാൽഭാഗം):
നവസൗഹൃദങ്ങളും പ്രേമാനുഭവങ്ങളും തെളിയും. വസ്ത്രാഭരണാദി ഉപഹാരങ്ങൾ ലഭിക്കും. കർമ്മരംഗത്ത് നവീന ആശയങ്ങൾ ആവിഷ്കരിക്കുന്നത് വഴി സകലരുടെയും ആദരവ് നേടിയെടുക്കും.
മകരം രാശി (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതിഭാഗം):
സന്താന ലബ്ധിക്കും പ്രിയജനങ്ങളുടെ പുരോഗതിക്കും അനുയോജ്യ ദിനമാണ്. കർമ്മപരമായ ആവശ്യങ്ങളാൽ താൽക്കാലികമായി സ്വഗൃഹത്തിൽ നിന്നും മാറിനിൽക്കേണ്ട സാഹചര്യങ്ങൾ വരാം.
കുംഭം രാശി (അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാൽഭാഗം):
മാതൃസ്ഥാനത്തും ആരോഗ്യ കാര്യങ്ങളിലും ശ്രദ്ധ പതിയേണ്ടതുണ്ട്. തൊഴിൽ തടസ്സങ്ങളെ ക്ഷമയോടെ അതിജീവിക്കുക. ശിരോരോഗങ്ങൾ അല്ലെങ്കിൽ മൈഗ്രേൻ ഉള്ളവർ അതീവ സൂക്ഷ്മത പാലിക്കുക.
മീനം രാശി (പൂരൂരുട്ടാതി അവസാന കാൽഭാഗം, ഉതൃട്ടാതി, രേവതി):
വിദ്യാ സ്ഥാനത്ത് പുരോഗതിയും ആത്മപ്രകടന ശേഷിയും വർദ്ധിക്കും. ജ്ഞാനികളായ മഹദ്വ്യക്തികളെ പരിചയപ്പെടാനും അവരിൽ നിന്നും മാർഗ്ഗനിർദ്ദേശം സ്വീകരിക്കാനും അവസരമുണ്ടാകും.
ദിവസേനയുള്ള ജ്യോതിഷ പ്രവചനങ്ങളും കൃത്യതയാർന്ന ഫലങ്ങളും മൊബൈലിൽ നേരിട്ട് ലഭ്യമാക്കുന്നതിനായി താഴെ നൽകിയിരിക്കുന്ന ഫോം പൂരിപ്പിക്കാവുന്നതാണ്. https://forms.gle/yLwu67RCjgafvNiZ8
തയ്യാറാക്കിയത് ജയറാണി ഇ വി : +91 9746 812 212
(രണ്ട് പതിറ്റാണ്ടിലേറെയുള്ള പ്രവൃത്തിപരിചയവും പാരമ്പര്യ ജ്യോതിഷ പശ്ചാത്തലവുമുള്ള വിദഗ്ദ്ധ. ജ്യോതിഷം, വാസ്തു, സംഖ്യാശാസ്ത്രം തുടങ്ങിയ വിഷയങ്ങളിൽ ആധികാരികമായ മാർഗ്ഗനിർദ്ദേശങ്ങൾ നൽകുന്നു.)
അറിയിപ്പ്:
പൊതുഫലങ്ങൾ ആ കൊടുത്തിരിക്കുന്ന നിശ്ചിത കാലയളവിലെ പൊതു ഗ്രഹനിലയെ അടിസ്ഥാനമാക്കിയുള്ള പ്രവചനങ്ങളാണ്. ഓരോ വ്യക്തിയും അനുഭവയോഗത്തിൽ വരുന്ന ഫലങ്ങൾ, ആ സമയത്തെ പൊതു ഗ്രഹനിലയ്ക്ക് പുറമെ ആ വ്യക്തിയുടെ ജനന സമയത്തെ ഗ്രഹനില, അതിൽ നിന്നുണ്ടാകുന്ന യോഗങ്ങൾ, നിലവിലെ ദശാപഹാരം അന്തരപഹാരങ്ങൾ എന്നിവയെയൊക്കെ ആശ്രയിച്ചിരിക്കും. എന്നിരുന്നാലും, ഇവിടെ കൊടുത്തിരിക്കുന്ന പൊതുഫലങ്ങളെ ഒരു സൂചനയായി ഉപയോഗിച്ചു, വിശദമായ ജാതക വിശകലനം നടത്തി ദശാനാഥനെ പ്രീതിപ്പെടുത്താനുള്ള വഴികൾ തേടുകയും ദോഷപരിഹാരങ്ങൾ അനുഷ്ഠിക്കുകയും ചെയ്താൽ, അനുകൂല സമയങ്ങളുടെ ഗുണഫലങ്ങൾ പരമാവധി നേടിയെടുക്കാനും പ്രതികൂല സമയങ്ങളിൽ മുൻകരുതലോടെ സുഗമമായി തരണം ചെയ്യാനും സാധിക്കും.
