മേടം രാശി (അശ്വതി, ഭരണി, കാർത്തിക ആദ്യ കാൽഭാഗം):
ഗുരുവാരാധിപത്യത്തിൽ മനസ്സിന് ആകുലതകൾ ഇല്ലാതെ സൂക്ഷിക്കുക. ഗാർഹിക സംഭാഷണങ്ങളിൽ സൗമ്യത പാലിക്കുന്നത് ശാന്തി തരും. വാഹനങ്ങളുടെ സംരക്ഷണത്തിലും സഞ്ചാരത്തിലും മുൻകരുതലുകൾ സ്വീകരിക്കുന്നത് ശുഭകരമാണ്.
നക്ഷത്രഫലം: വ്യാഴാഴ്ച, 2026 ഓഗസ്റ്റ് 13
ഇടവം രാശി (കാർത്തിക അവസാന മുക്കാൽ ഭാഗം, രോഹിണി, മകയിര്യം ആദ്യ പകുതിഭാഗം):
കുടുംബ സ്വത്ത് സംബന്ധമായ കാര്യങ്ങളിൽ തർക്കങ്ങൾ ഒഴിവാക്കി രമ്യതയിൽ സംസാരിക്കുക. ജീവിതപങ്കാളിയുമായി പരസ്പര വിശ്വാസവും സ്നേഹവും നിലനിർത്തുന്നത് സങ്കീർണ്ണതകളെ അകറ്റാൻ സഹായിക്കും..
മിഥുനം രാശി (മകയിര്യം അവസാന പകുതിഭാഗം, തിരുവാതിര, പുണർതം ആദ്യ മുക്കാൽഭാഗം):
നീതിന്യായ സ്ഥാനങ്ങളിൽ ഗ്രഹാനുകൂല്യം ഉള്ളതിനാൽ കോടതി വ്യവഹാരങ്ങളിൽ വലിയ വിജയം വരിക്കും. ശത്രുദോഷങ്ങൾ അകന്ന് സർവ്വ കാര്യങ്ങളിലും ഭാഗ്യാനുഭവങ്ങൾ വർദ്ധിക്കും.
കർക്കിടകം രാശി (പുണർതം അവസാന കാൽഭാഗം, പൂയം, ആയില്യം):
കൃഷിയിലും കർഷക വ്യവസായങ്ങളിലും ധനവിനിയോഗം നടത്തുമ്പോൾ മുൻകരുതലുകൾ സ്വീകരിക്കുക. അനുയോജ്യമല്ലാത്ത ബന്ധങ്ങൾ ഒഴിവാക്കുന്നതും ഈശ്വരസ്മരണ പുലർത്തുന്നതും സമാധാനം നൽകും.
ചിങ്ങം രാശി (മകം, പൂരം, ഉത്രം ആദ്യ കാൽഭാഗം):
പുണ്യകർമ്മങ്ങൾ ചെയ്യാനും ധർമ്മവഴിയിൽ വ്യാപരിക്കാനും അവസരം ലഭിക്കും. കുടുംബത്തിൽ സമാധാനവും ഐശ്വര്യവും നിലനിൽക്കും. വിലപിടിപ്പുള്ള ആഭരണങ്ങളും സമ്മാനങ്ങളും ലഭിക്കാൻ യോഗമുണ്ട്.
കന്നി രാശി (ഉത്രം അവസാന മുക്കാൽഭാഗം, അത്തം, ചിത്തിര ആദ്യ പകുതിഭാഗം):
കഫ-ശ്വാസകോശ സംബന്ധമായ ആരോഗ്യത്തിൽ ശ്രദ്ധ പുലർത്തേണ്ടതാണ്. പുതിയ വ്യാപാര പദ്ധതികളിൽ ജാഗ്രത അനിവാര്യമാണ്. ജലസമ്പത്തുമായി ബന്ധപ്പെട്ട വാണിജ്യങ്ങളിൽ കൂടുതൽ കരുതൽ വേണം.
തുലാം രാശി (ചിത്തിര അവസാന പകുതിഭാഗം, ചോതി, വിശാഖം ആദ്യ മുക്കാൽഭാഗം):
ബന്ധുമിത്രാദികളോടൊത്ത് മംഗള കർമ്മങ്ങളിൽ പങ്കാളികളാകും. പ്രിയജനങ്ങളുടെ സഹകരണം, ധനാഗമനം, സത്സംഗം, കർമ്മമേഖലയിലെ വിജയം എന്നിവ വഴി മനഃസന്തോഷം അനുഭവപ്പെടും.
വൃശ്ചികം രാശി (വിശാഖം അവസാന കാൽഭാഗം, അനിഴം, തൃക്കേട്ട):
ഭരണനേതൃത്വത്തിലും രാഷ്ട്രീയത്തിലും ഉള്ളവർക്ക് ഉന്നത പദവികൾ കൈവരും. പുതിയ സാമൂഹിക പ്രവർത്തനങ്ങൾ വഴി സമൂഹത്തിൽ തിളങ്ങാനും ജനസമ്മതി വർദ്ധിപ്പിക്കാനും സാധിക്കും..
ധനു രാശി (മൂലം, പൂരാടം, ഉത്രാടം ആദ്യ കാൽഭാഗം):
പിതൃസ്ഥാനീയരുടെ സുഖവിവരങ്ങളിൽ ശ്രദ്ധ പുലർത്തുക. ബാഹ്യമായ സഹായങ്ങൾ ചെയ്യുമ്പോൾ നിഷ്കാമ മനോഭാവം പുലർത്തുക. ധ്യാനവും പ്രാർത്ഥനയും അനാവശ്യ തടസ്സങ്ങളെ മാറ്റും.
മകരം രാശി (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതിഭാഗം):
കാര്യങ്ങളിൽ വിഘ്നങ്ങൾ വരാതിരിക്കാൻ ജാഗ്രതയോടെ പ്രവർത്തിക്കുക. ധൈര്യ സമേതം തടസ്സങ്ങളെ അഭിമുഖീകരിക്കുകയും ഈശ്വരാധീനത്തിൽ അഭയം പ്രാപിക്കുകയും ചെയ്യുന്നത് ഗുണം ചെയ്യും.
കുംഭം രാശി (അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാൽഭാഗം):
ഗൃഹത്തിൽ സമൃദ്ധിയും അഭിവൃദ്ധിയും നിറഞ്ഞുനിൽക്കും. ബഹുമാന്യരുടെ ഗാർഹിക ആഘോഷങ്ങളിൽ വിശിഷ്ട അതിഥിയായി പങ്കാളിയാകും. പുതിയ ഉന്നത ബന്ധങ്ങൾ രൂപപ്പെടും.
മീനം രാശി (പൂരൂരുട്ടാതി അവസാന കാൽഭാഗം, ഉതൃട്ടാതി, രേവതി):
അന്യജനങ്ങളിൽ നിന്നും വിദേശബന്ധങ്ങളിൽ നിന്നും നന്മകളും സാമ്പത്തിക സഹായങ്ങളും കൈവരും. അപ്രതീക്ഷിതമായി വാഹനം വാങ്ങാനും യാത്രാസുഖം അനുഭവിക്കാനും ഭാഗ്യമുണ്ടാകും
ദിവസേനയുള്ള ജ്യോതിഷ പ്രവചനങ്ങളും കൃത്യതയാർന്ന ഫലങ്ങളും മൊബൈലിൽ നേരിട്ട് ലഭ്യമാക്കുന്നതിനായി താഴെ നൽകിയിരിക്കുന്ന ഫോം പൂരിപ്പിക്കാവുന്നതാണ്. https://forms.gle/yLwu67RCjgafvNiZ8
തയ്യാറാക്കിയത് ജയറാണി ഇ വി : +91 9746 812 212
(രണ്ട് പതിറ്റാണ്ടിലേറെയുള്ള പ്രവൃത്തിപരിചയവും പാരമ്പര്യ ജ്യോതിഷ പശ്ചാത്തലവുമുള്ള വിദഗ്ദ്ധ. ജ്യോതിഷം, വാസ്തു, സംഖ്യാശാസ്ത്രം തുടങ്ങിയ വിഷയങ്ങളിൽ ആധികാരികമായ മാർഗ്ഗനിർദ്ദേശങ്ങൾ നൽകുന്നു.)
അറിയിപ്പ്:
പൊതുഫലങ്ങൾ ആ കൊടുത്തിരിക്കുന്ന നിശ്ചിത കാലയളവിലെ പൊതു ഗ്രഹനിലയെ അടിസ്ഥാനമാക്കിയുള്ള പ്രവചനങ്ങളാണ്. ഓരോ വ്യക്തിയും അനുഭവയോഗത്തിൽ വരുന്ന ഫലങ്ങൾ, ആ സമയത്തെ പൊതു ഗ്രഹനിലയ്ക്ക് പുറമെ ആ വ്യക്തിയുടെ ജനന സമയത്തെ ഗ്രഹനില, അതിൽ നിന്നുണ്ടാകുന്ന യോഗങ്ങൾ, നിലവിലെ ദശാപഹാരം അന്തരപഹാരങ്ങൾ എന്നിവയെയൊക്കെ ആശ്രയിച്ചിരിക്കും. എന്നിരുന്നാലും, ഇവിടെ കൊടുത്തിരിക്കുന്ന പൊതുഫലങ്ങളെ ഒരു സൂചനയായി ഉപയോഗിച്ചു, വിശദമായ ജാതക വിശകലനം നടത്തി ദശാനാഥനെ പ്രീതിപ്പെടുത്താനുള്ള വഴികൾ തേടുകയും ദോഷപരിഹാരങ്ങൾ അനുഷ്ഠിക്കുകയും ചെയ്താൽ, അനുകൂല സമയങ്ങളുടെ ഗുണഫലങ്ങൾ പരമാവധി നേടിയെടുക്കാനും പ്രതികൂല സമയങ്ങളിൽ മുൻകരുതലോടെ സുഗമമായി തരണം ചെയ്യാനും സാധിക്കും.
