നക്ഷത്രഫലം: ചൊവ്വാഴ്ച, 2026 ഓഗസ്റ്റ് 25

മേടം രാശി (അശ്വതി, ഭരണി, കാർത്തിക ആദ്യ കാൽഭാഗം):

കർമ്മസ്ഥാനത്ത് കുജബലത്താൽ അധികാരികളുടെ പ്രീതിയും ആദരവും ലഭിക്കും. വാണിജ്യരംഗത്ത് നവീന പദ്ധതികൾ വിജയകരമായി നടപ്പിലാക്കും. കുടുംബത്തിൽ ഐശ്വര്യവും സർവ്വകാര്യ ശാന്തിയും അനുഭവപ്പെടുന്ന ദിവസമത്രേ.

ഇടവം രാശി (കാർത്തിക അവസാന മുക്കാൽ ഭാഗം, രോഹിണി, മകയിര്യം ആദ്യ പകുതിഭാഗം):

ഗുരുജനങ്ങളുടെയും മുതിർന്നവരുടെയും മാർഗ്ഗനിർദ്ദേശങ്ങളാൽ ലക്ഷ്യപ്രാപ്തി സുഗമമാകും. ധനകാര്യ ഇടപാടുകളിൽ കൃത്യത പുലർത്തുന്നത് വരുംകാലത്തേക്ക് വലിയ ഐശ്വര്യവും സുരക്ഷിതത്വവും പ്രധാനം ചെയ്യും..

മിഥുനം രാശി (മകയിര്യം അവസാന പകുതിഭാഗം, തിരുവാതിര, പുണർതം ആദ്യ മുക്കാൽഭാഗം):

വാഹന-ധന കാര്യങ്ങളിൽ മുൻകരുതൽ പാലിക്കുന്നത് ഗ്രഹപ്പിഴകൾ അകറ്റാൻ ഉത്തമമാണ്. വിവേകപൂർവ്വമായ കർമ്മങ്ങളിലൂടെ അപ്രതീക്ഷിത തടസ്സങ്ങളെ ഇല്ലാതാക്കി കാര്യവിജയം നേടാൻ സാധിക്കും

കർക്കിടകം രാശി (പുണർതം അവസാന കാൽഭാഗം, പൂയം, ആയില്യം):

പങ്കാളിത്ത വ്യാപാരത്തിൽ ലക്ഷ്മീകടാക്ഷവും വർദ്ധിച്ച ലാഭവും ഉണ്ടാകും. വാക്സ്ഥാനത്ത് ജനസമ്മതി വർദ്ധിക്കും. സന്മിത്രങ്ങളുടെ കൂട്ടായ്മയാൽ ഭാവിയിലേക്ക് വലിയ ഭാഗ്യാനുകൂല്യങ്ങൾ രൂപപ്പെടും.

ചിങ്ങം രാശി (മകം, പൂരം, ഉത്രം ആദ്യ കാൽഭാഗം):

ശത്രുദോഷങ്ങളും സാമ്പത്തിക ബാധ്യതകളും ഒഴിഞ്ഞ് കർമ്മരംഗത്ത് ഉന്നതിയുണ്ടാകും. ഉദ്യോഗാർത്ഥികൾക്ക് ശുഭവാർത്തകൾ എത്തും. വിവേകപൂർവ്വമായ തന്ത്രങ്ങളാൽ മത്സരങ്ങളിൽ വിജയം വരിക്കും.

കന്നി രാശി (ഉത്രം അവസാന മുക്കാൽഭാഗം, അത്തം, ചിത്തിര ആദ്യ പകുതിഭാഗം):

സന്താനസ്ഥാനത്ത് ശുഭവാർത്തകളും വിദ്യാവിജയവും ദൃശ്യമാകും. സാമ്പത്തിക തീരുമാനങ്ങളിൽ വിവേകം പുലർത്തുന്നത് ഗ്രഹശാന്തിക്ക് ഉത്തമം. കുടുംബസമ്പർക്കം മനസ്സിന് വലിയ ഉന്മേഷമേകും

തുലാം രാശി (ചിത്തിര അവസാന പകുതിഭാഗം, ചോതി, വിശാഖം ആദ്യ മുക്കാൽഭാഗം):

ഗൃഹ-വാഹന കാര്യങ്ങളിൽ ധനവ്യയം കാണുന്നതിനാൽ ആസൂത്രണം വേണം. കർമ്മരംഗത്ത് ഏകാഗ്രത പുലർത്തുക. ബന്ധുജനങ്ങളുമായി സംസാരിക്കുമ്പോൾ ക്ഷമ പാലിക്കുന്നത് കുടുംബൈശ്വര്യം നിലനിർത്തും.

വൃശ്ചികം രാശി (വിശാഖം അവസാന കാൽഭാഗം, അനിഴം, തൃക്കേട്ട):

ധൈര്യസ്ഥാനം പൂർണ്ണമായി ബലപ്പെട്ടു നിൽക്കുന്നതിനാൽ പ്രയത്നങ്ങൾ പൂർണ്ണ വിജയത്തിലെത്തും. സഹോദരജനങ്ങളുടെയും വിശ്വസ്ത മിത്രങ്ങളുടെയും സഹായത്താൽ ഉദ്യമങ്ങൾ സഫലമാകും..

ധനു രാശി (മൂലം, പൂരാടം, ഉത്രാടം ആദ്യ കാൽഭാഗം):

കുടുംബത്തിൽ ശാന്തിയും സന്തോഷവും കളിയാടും. വാക്സ്ഥാനത്ത് സൗമ്യത പാലിക്കുന്നത് തർക്കങ്ങൾ ഇല്ലാതാക്കും. ഭൂമി-കൃഷി സംബന്ധമായ കാര്യങ്ങളിൽ നിന്നും വർദ്ധിച്ച ആദായം സിദ്ധിക്കും.

മകരം രാശി (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതിഭാഗം):

ലഗ്നബലവും ശരീരകാന്തിയും വർദ്ധിക്കുന്ന ദിനമാണ്. സമൂഹത്തിലും തൊഴിൽസ്ഥാനത്തും ആദരവ് വർദ്ധിക്കും. ആന്തരിക ഊർജ്ജത്തോടെയുള്ള കർമ്മങ്ങൾ കാര്യസിദ്ധി പ്രധാനം ചെയ്യും.

കുംഭം രാശി (അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാൽഭാഗം):

വ്യയസ്ഥാനത്ത് അനാവശ്യ ചെലവുകൾ വരാൻ ഇടയുള്ളതിനാൽ സാമ്പത്തിക അച്ചടക്കം പാലിക്കുക. മുതിർന്നവരുടെ ഉപദേശം തേടുന്നത് പരാജയങ്ങൾ ഒഴിവാക്കാൻ സഹായിക്കും.

മീനം രാശി (പൂരൂരുട്ടാതി അവസാന കാൽഭാഗം, ഉതൃട്ടാതി, രേവതി):

ലാഭസ്ഥാനത്ത് ഗ്രഹങ്ങൾ അനുകൂലമായി നിലകൊള്ളുന്നതിനാൽ സാമ്പത്തിക സമൃദ്ധി അനുഭവപ്പെടും. പൂർവ്വ പ്രയത്നങ്ങൾക്ക് തക്കതായ അംഗീകാരവും പ്രതിഫലവും തേടിയെത്തും.

ദിവസേനയുള്ള ജ്യോതിഷ പ്രവചനങ്ങളും കൃത്യതയാർന്ന ഫലങ്ങളും മൊബൈലിൽ നേരിട്ട് ലഭ്യമാക്കുന്നതിനായി താഴെ നൽകിയിരിക്കുന്ന ഫോം പൂരിപ്പിക്കാവുന്നതാണ്. https://forms.gle/yLwu67RCjgafvNiZ8

തയ്യാറാക്കിയത് ജയറാണി ഇ വി : +91 9746 812 212

(രണ്ട് പതിറ്റാണ്ടിലേറെയുള്ള പ്രവൃത്തിപരിചയവും പാരമ്പര്യ ജ്യോതിഷ പശ്ചാത്തലവുമുള്ള വിദഗ്ദ്ധ. ജ്യോതിഷം, വാസ്തു, സംഖ്യാശാസ്ത്രം തുടങ്ങിയ വിഷയങ്ങളിൽ ആധികാരികമായ മാർഗ്ഗനിർദ്ദേശങ്ങൾ നൽകുന്നു.)

അറിയിപ്പ്:

പൊതുഫലങ്ങൾ ആ കൊടുത്തിരിക്കുന്ന നിശ്ചിത കാലയളവിലെ പൊതു ഗ്രഹനിലയെ അടിസ്ഥാനമാക്കിയുള്ള പ്രവചനങ്ങളാണ്. ഓരോ വ്യക്തിയും അനുഭവയോഗത്തിൽ വരുന്ന ഫലങ്ങൾ, ആ സമയത്തെ പൊതു ഗ്രഹനിലയ്ക്ക് പുറമെ ആ വ്യക്തിയുടെ ജനന സമയത്തെ ഗ്രഹനില, അതിൽ നിന്നുണ്ടാകുന്ന യോഗങ്ങൾ, നിലവിലെ ദശാപഹാരം അന്തരപഹാരങ്ങൾ എന്നിവയെയൊക്കെ ആശ്രയിച്ചിരിക്കും. എന്നിരുന്നാലും, ഇവിടെ കൊടുത്തിരിക്കുന്ന പൊതുഫലങ്ങളെ ഒരു സൂചനയായി ഉപയോഗിച്ചു, വിശദമായ ജാതക വിശകലനം നടത്തി ദശാനാഥനെ പ്രീതിപ്പെടുത്താനുള്ള വഴികൾ തേടുകയും ദോഷപരിഹാരങ്ങൾ അനുഷ്ഠിക്കുകയും ചെയ്താൽ, അനുകൂല സമയങ്ങളുടെ ഗുണഫലങ്ങൾ പരമാവധി നേടിയെടുക്കാനും പ്രതികൂല സമയങ്ങളിൽ മുൻകരുതലോടെ സുഗമമായി തരണം ചെയ്യാനും സാധിക്കും.