നക്ഷത്രഫലം: ചൊവ്വാഴ്ച, 2026 ഓഗസ്റ്റ് 04

മേടം രാശി (അശ്വതി, ഭരണി, കാർത്തിക ആദ്യ കാൽഭാഗം):

കുജസ്വാധീനം നിറഞ്ഞ ദിനത്തിൽ ധനകാര്യങ്ങളിൽ മിതത്വം പാലിക്കുന്നത് ശ്രേയസ്സ് നൽകും. വാക്സ്ഥാനത്ത് സംയമനം പാലിക്കുന്നതും സംഭാഷണങ്ങളിൽ സൗമ്യത പുലർത്തുന്നതും കുടുംബത്തിൽ സമാധാനവും ഐക്യവും നിലനിർത്തും.

ഇടവം രാശി (കാർത്തിക അവസാന മുക്കാൽ ഭാഗം, രോഹിണി, മകയിര്യം ആദ്യ പകുതിഭാഗം):

കർമ്മസ്ഥാനത്ത് സ്ഥാനക്കയറ്റത്തിനും പുതിയ ഉത്തരവാദിത്തങ്ങൾക്കും യോഗം കാണുന്നു. ആത്മവിശ്വാസത്തോടെയുള്ള പ്രവർത്തനങ്ങൾ വിഘ്നങ്ങളെ തരണം ചെയ്യാനും പ്രൊഫഷണൽ ഉന്നതി കൈവരിക്കാനും സഹായിക്കും..

മിഥുനം രാശി (മകയിര്യം അവസാന പകുതിഭാഗം, തിരുവാതിര, പുണർതം ആദ്യ മുക്കാൽഭാഗം):

വിവേകപൂർവ്വമായ തീരുമാനങ്ങൾ വിജയത്തിലേക്ക് നയിക്കും. കൃത്യമായ സമയനിഷ്ഠയും ധർമ്മബോധവും പുലർത്തുന്നത് കാര്യവിജയത്തിനും സർവ്വജന വശ്യതയ്ക്കും കാരണമായി ഭവിക്കും.

കർക്കിടകം രാശി (പുണർതം അവസാന കാൽഭാഗം, പൂയം, ആയില്യം):

തൊഴിൽ രംഗത്ത് നവയോഗങ്ങൾ രൂപപ്പെടുമെങ്കിലും ഗ്രഹമന്ദത കാരണം കാര്യങ്ങൾക്ക് താമസമുണ്ടാകാം. ക്ഷമയോടെയുള്ള പ്രാർത്ഥനയും ഗണപതി ഭജനവും തടസ്സങ്ങളെ ഇല്ലാതാക്കാൻ ഉത്തമമാണ്.

ചിങ്ങം രാശി (മകം, പൂരം, ഉത്രം ആദ്യ കാൽഭാഗം):

ആദിത്യ ശക്തിയാൽ നേതൃപാടവവും കാര്യശേഷിയും വർദ്ധിക്കും. രാഷ്ട്രീയ-സമുദായ മേഖലകളിൽ പ്രവർത്തിക്കുന്നവർക്ക് പൊതുജന അംഗീകാരവും മേലധികാരികളിൽ നിന്ന് പ്രശംസയും ലഭിക്കാൻ യോഗമുണ്ട്.

കന്നി രാശി (ഉത്രം അവസാന മുക്കാൽഭാഗം, അത്തം, ചിത്തിര ആദ്യ പകുതിഭാഗം):

ശ്രമത്തിന് തക്കതായ ഫലം ലഭിക്കുന്ന ദിവസമത്രേ. ഔദ്യോഗിക ചുമതലകൾ വർദ്ധിക്കുമെങ്കിലും കുടുംബസൗഖ്യവും ആന്തരിക സന്തോഷവും നിലനിൽക്കും. ഈശ്വരാധീനം തുണനിൽക്കും.

തുലാം രാശി (ചിത്തിര അവസാന പകുതിഭാഗം, ചോതി, വിശാഖം ആദ്യ മുക്കാൽഭാഗം):

കൂട്ടുവ്യവസായങ്ങളിലും വാണിജ്യ രംഗത്തും ലക്ഷ്മീഭദ്രത കാണുന്നു. സംഭാഷണ ചാതുര്യത്താൽ കാര്യങ്ങൾ അനുകൂലമാക്കാനും പങ്കാളിത്ത ബിസിനസ്സുകളിൽ വലിയ ലാഭം കൈവരിക്കാനും സാധിക്കും.

വൃശ്ചികം രാശി (വിശാഖം അവസാന കാൽഭാഗം, അനിഴം, തൃക്കേട്ട):

ആത്മബലവും പ്രതിസന്ധികളെ അതിജീവിക്കാനുള്ള തന്ത്രജ്ഞതയും വർദ്ധിക്കും. വെല്ലുവിളികൾ അകന്ന് തൊഴിൽപരമായ പുതിയ പാതകൾ തുറക്കപ്പെടുന്നതായി അനുഭവപ്പെടും..

ധനു രാശി (മൂലം, പൂരാടം, ഉത്രാടം ആദ്യ കാൽഭാഗം):

വിദ്യാസ്ഥാനവും ജ്ഞാനലാഭവും വർദ്ധിപ്പിക്കുന്ന ദിനമാണ്. കർമ്മരംഗത്ത് ധീരമായ തീരുമാനങ്ങൾ കൈക്കൊള്ളുന്നത് വഴി ദീർഘകാല ഐശ്വര്യവും സർവ്വകാര്യ പുരോഗതിയും സിദ്ധിക്കും.

മകരം രാശി (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതിഭാഗം):

ധനസ്ഥാനത്ത് വനവൃദ്ധിയും ഐശ്വര്യവും ഉണ്ടാകും. കുടുംബത്തിൽ മംഗളകരമായ അന്തരീക്ഷം നിലനിൽക്കും. ദീർഘകാല ലക്ഷ്യങ്ങളിലേക്ക് ശ്രദ്ധ കേന്ദ്രീകരിക്കുന്നത് ഉന്നതി പ്രധാനം ചെയ്യും.

കുംഭം രാശി (അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാൽഭാഗം):

ബുദ്ധിശക്തിയും പുതിയ ചിന്തകളും പ്രയോജനപ്പെടുന്ന സമയമാണ്. സാമൂഹിക ബന്ധങ്ങൾ ദൃഢമാകാനും പ്രിയപ്പെട്ടവരുടെ സമ്പർക്കത്താൽ മനഃസന്തോഷം ഉണ്ടാകാനും ഗ്രഹസ്ഥിതി തുണയ്ക്കും.

മീനം രാശി (പൂരൂരുട്ടാതി അവസാന കാൽഭാഗം, ഉതൃട്ടാതി, രേവതി):

ധനാഗമ സ്രോതസ്സുകൾ ശക്തിപ്പെടും. ദീർഘകാല രോഗങ്ങൾക്ക് ആശ്വാസം ലഭിച്ചു ആരോഗ്യം വീണ്ടെടുക്കും. സഹപ്രവർത്തകരുടെ പിന്തുണയാൽ സർവ്വ കാര്യങ്ങളും എളുപ്പത്തിൽ സാധ്യമാകും.

ദിവസേനയുള്ള ജ്യോതിഷ പ്രവചനങ്ങളും കൃത്യതയാർന്ന ഫലങ്ങളും മൊബൈലിൽ നേരിട്ട് ലഭ്യമാക്കുന്നതിനായി താഴെ നൽകിയിരിക്കുന്ന ഫോം പൂരിപ്പിക്കാവുന്നതാണ്. https://forms.gle/yLwu67RCjgafvNiZ8

തയ്യാറാക്കിയത് ജയറാണി ഇ വി : +91 9746 812 212

(രണ്ട് പതിറ്റാണ്ടിലേറെയുള്ള പ്രവൃത്തിപരിചയവും പാരമ്പര്യ ജ്യോതിഷ പശ്ചാത്തലവുമുള്ള വിദഗ്ദ്ധ. ജ്യോതിഷം, വാസ്തു, സംഖ്യാശാസ്ത്രം തുടങ്ങിയ വിഷയങ്ങളിൽ ആധികാരികമായ മാർഗ്ഗനിർദ്ദേശങ്ങൾ നൽകുന്നു.)

അറിയിപ്പ്:

പൊതുഫലങ്ങൾ ആ കൊടുത്തിരിക്കുന്ന നിശ്ചിത കാലയളവിലെ പൊതു ഗ്രഹനിലയെ അടിസ്ഥാനമാക്കിയുള്ള പ്രവചനങ്ങളാണ്. ഓരോ വ്യക്തിയും അനുഭവയോഗത്തിൽ വരുന്ന ഫലങ്ങൾ, ആ സമയത്തെ പൊതു ഗ്രഹനിലയ്ക്ക് പുറമെ ആ വ്യക്തിയുടെ ജനന സമയത്തെ ഗ്രഹനില, അതിൽ നിന്നുണ്ടാകുന്ന യോഗങ്ങൾ, നിലവിലെ ദശാപഹാരം അന്തരപഹാരങ്ങൾ എന്നിവയെയൊക്കെ ആശ്രയിച്ചിരിക്കും. എന്നിരുന്നാലും, ഇവിടെ കൊടുത്തിരിക്കുന്ന പൊതുഫലങ്ങളെ ഒരു സൂചനയായി ഉപയോഗിച്ചു, വിശദമായ ജാതക വിശകലനം നടത്തി ദശാനാഥനെ പ്രീതിപ്പെടുത്താനുള്ള വഴികൾ തേടുകയും ദോഷപരിഹാരങ്ങൾ അനുഷ്ഠിക്കുകയും ചെയ്താൽ, അനുകൂല സമയങ്ങളുടെ ഗുണഫലങ്ങൾ പരമാവധി നേടിയെടുക്കാനും പ്രതികൂല സമയങ്ങളിൽ മുൻകരുതലോടെ സുഗമമായി തരണം ചെയ്യാനും സാധിക്കും.