മേടം രാശി (അശ്വതി, ഭരണി, കാർത്തിക ആദ്യ കാൽഭാഗം):
കർമ്മരംഗത്ത് മേലധികാരികളുമായും സഖാക്കളുമായും വാഗ്വാദങ്ങൾക്ക് യോഗമുള്ളതിനാൽ മൗനം ഭജിക്കുക. ദുർജ്ജന സംസർഗ്ഗവും വഴിവിട്ട ബന്ധങ്ങളും അപകീർത്തിക്കും വൻ ധനനഷ്ടത്തിനും വഴിവെക്കുമെന്നതിനാൽ സദാചാരം പാലിക്കണം.
നക്ഷത്രഫലം: 2026 ജൂലൈ 17, വെള്ളിയാഴ്ച
ഇടവം രാശി (കാർത്തിക അവസാന മുക്കാൽ ഭാഗം, രോഹിണി, മകയിര്യം ആദ്യ പകുതിഭാഗം):
ഉപകൃതരായ ബന്ധുജനങ്ങൾ പോലും ശത്രുക്കളായി മാറാൻ സാധ്യത കാണുന്നു. മാതൃസൗഖ്യക്കുറവിനും വ്യാധികൾക്കും യോഗമുള്ളതിനാൽ വൈദ്യസഹായം തേടുക. സജ്ജനങ്ങളുടെ നിർലോഭമായ പിന്തുണയാൽ വലിയ അപവാദങ്ങളിൽ നിന്നും രക്ഷ നേടും..
മിഥുനം രാശി (മകയിര്യം അവസാന പകുതിഭാഗം, തിരുവാതിര, പുണർതം ആദ്യ മുക്കാൽഭാഗം):
വാണിജ്യ-വ്യാപാര രംഗങ്ങളിലെ മാന്ദ്യം പൂർണ്ണമായി മാറി നവോന്മേഷം കൈവരും. സർവ്വത്ര കർമ്മവിജയവും ശാരീരിക സൗഖ്യവും സമൂഹത്തിൽ യശസ്സും വർദ്ധിക്കുന്ന അനുകൂല സമയമാണ്.
കർക്കിടകം രാശി (പുണർതം അവസാന കാൽഭാഗം, പൂയം, ആയില്യം):
ഊഹക്കച്ചവടങ്ങളിൽ വലിയ അർത്ഥനാശത്തിന് സാധ്യതയുള്ളതിനാൽ പുതിയ നിക്ഷേപങ്ങൾ വർജ്ജിക്കുക. ഉദരവ്യാധികൾക്കും വിഷബാധയ്ക്കും യോഗമുള്ളതിനാൽ ബാഹ്യഭക്ഷണം ഒഴിവാക്കണം. വാഹന ഉപയോഗത്തിൽ നിയമലംഘനങ്ങൾ വരാതെ സൂക്ഷ്മത പാലിക്കുക
ചിങ്ങം രാശി (മകം, പൂരം, ഉത്രം ആദ്യ കാൽഭാഗം):
സമൂഹത്തിൽ കീർത്തിയും അംഗീകാരവും വർദ്ധിക്കും. അത്യദ്ധ്വാനത്തിന് അർഹമായ ഉപഹാരങ്ങൾ സിദ്ധിക്കും. നൂതന വാഹനയോഗവും മിഷ്ടാന്ന ഭോജനവും വഴി ഗൃഹത്തിൽ ആനന്ദം കളിയാടും.
കന്നി രാശി (ഉത്രം അവസാന മുക്കാൽഭാഗം, അത്തം, ചിത്തിര ആദ്യ പകുതിഭാഗം):
കർമ്മരംഗത്ത് കാര്യവിഘ്നങ്ങൾ രൂക്ഷമാകും. ശാരീരിക പീഡകളും ധനാഗമനത്തേക്കാൾ വ്യയവും മാനസിക വ്യഥകൾക്ക് കാരണമാകും. ദുഷിച്ച കൂട്ടുകെട്ടുകൾ മാനഹാനിയുണ്ടാക്കുമെന്നതിനാൽ അനാവശ്യ സൗഹൃദങ്ങൾ ഉപേക്ഷിക്കുക.
തുലാം രാശി (ചിത്തിര അവസാന പകുതിഭാഗം, ചോതി, വിശാഖം ആദ്യ മുക്കാൽഭാഗം):
ശുക്രപ്രഭാവത്താൽ തികഞ്ഞ അർത്ഥലാഭവും കർമ്മശേഷിയും കൈവരും. കർമ്മവിജയത്തോടൊപ്പം ബഹുമതികളും സിദ്ധിക്കും. ദീർഘകാല രോഗങ്ങളിൽ നിന്നും മുക്തി നേടും. നൂതന സുവർണ്ണാഭരണ ലബ്ധിയും ഗൃഹത്തിൽ സമ്പൂർണ്ണ ഐശ്വര്യവും ഫലം.
വൃശ്ചികം രാശി (വിശാഖം അവസാന കാൽഭാഗം, അനിഴം, തൃക്കേട്ട):
സർവ്വകാര്യങ്ങളിലും അനുകൂല ഫലങ്ങൾ സിദ്ധിക്കുന്ന അത്യുത്തമ ദിനമാണ്. കലാ-സാഹിത്യ രംഗങ്ങളിൽ ശോഭിക്കുന്നവർക്ക് അത്യുജ്ജ്വല പ്രശസ്തിയും അംഗീകാരവും ലഭിക്കും. നൂതന രചനകൾ വെളിച്ചം കാണാൻ അവസരമൊരുങ്ങും..
ധനു രാശി (മൂലം, പൂരാടം, ഉത്രാടം ആദ്യ കാൽഭാഗം):
മാനസിക ക്ലേശങ്ങളും കർമ്മരംഗത്തെ വിഘ്നങ്ങളും അലട്ടും. കഫ-ജ്വര സംബന്ധമായ വ്യാധികൾക്ക് സാധ്യത. ഗൃഹത്തിൽ വാഗ്വാദങ്ങൾക്ക് യോഗമുള്ളതിനാൽ സംസാരത്തിൽ മിതത്വം പാലിച്ചില്ലെങ്കിൽ കുടുംബസമാധാനം നഷ്ടപ്പെടും.
മകരം രാശി (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതിഭാഗം):
കളത്രവുമായും കുടുംബാംഗങ്ങളുമായും കലഹങ്ങൾക്ക് തികഞ്ഞ സാധ്യത കാണുന്നു. വായ്പാ സംബന്ധമായ വ്യവഹാരങ്ങളിൽ നിയമനടപടികൾ നേരിടേണ്ടി വരും. ശത്രുക്ഷോഭവും നിയമപരമായ തിരിച്ചടികളും അതിജീവിക്കാൻ ഈശ്വരപ്രാർത്ഥന അനിവാര്യം
കുംഭം രാശി (അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാൽഭാഗം):
കർമ്മരംഗത്ത് ഉന്നത പദവികൾ അലങ്കരിക്കാനും രാജകീയ ബഹുമതികൾക്കും യോഗം. വാണിജ്യ-വ്യാപാര മേഖലകളിൽ അത്യുജ്ജ്വലമായ അഭിവൃദ്ധിയും അർത്ഥലാഭവും പൂർണ്ണമായി സ്വന്തമാക്കാൻ സാധിക്കും.
മീനം രാശി (പൂരൂരുട്ടാതി അവസാന കാൽഭാഗം, ഉതൃട്ടാതി, രേവതി):
വ്യവഹാരങ്ങളിൽ സമ്പൂർണ്ണ വിജയവും വൻ ധനലാഭവും സിദ്ധിക്കും. ശത്രുസംഹാരം വഴി പൂർണ്ണ സമാധാനം ലഭിക്കും. കളത്രസൗഖ്യവും ദാമ്പത്യ ഐക്യവും വർദ്ധിക്കും. ഏറ്റെടുക്കുന്ന കർമ്മങ്ങളെല്ലാം വലിയ ലാഭത്തിൽ കലാശിക്കും.
ദിവസേനയുള്ള ജ്യോതിഷ പ്രവചനങ്ങളും കൃത്യതയാർന്ന ഫലങ്ങളും മൊബൈലിൽ നേരിട്ട് ലഭ്യമാക്കുന്നതിനായി താഴെ നൽകിയിരിക്കുന്ന ഫോം പൂരിപ്പിക്കാവുന്നതാണ്. https://forms.gle/yLwu67RCjgafvNiZ8
തയ്യാറാക്കിയത് ജയറാണി ഇ വി : +91 9746 812 212
(രണ്ട് പതിറ്റാണ്ടിലേറെയുള്ള പ്രവൃത്തിപരിചയവും പാരമ്പര്യ ജ്യോതിഷ പശ്ചാത്തലവുമുള്ള വിദഗ്ദ്ധ. ജ്യോതിഷം, വാസ്തു, സംഖ്യാശാസ്ത്രം തുടങ്ങിയ വിഷയങ്ങളിൽ ആധികാരികമായ മാർഗ്ഗനിർദ്ദേശങ്ങൾ നൽകുന്നു.)
അറിയിപ്പ്:
പൊതുഫലങ്ങൾ ആ കൊടുത്തിരിക്കുന്ന നിശ്ചിത കാലയളവിലെ പൊതു ഗ്രഹനിലയെ അടിസ്ഥാനമാക്കിയുള്ള പ്രവചനങ്ങളാണ്. ഓരോ വ്യക്തിയും അനുഭവയോഗത്തിൽ വരുന്ന ഫലങ്ങൾ, ആ സമയത്തെ പൊതു ഗ്രഹനിലയ്ക്ക് പുറമെ ആ വ്യക്തിയുടെ ജനന സമയത്തെ ഗ്രഹനില, അതിൽ നിന്നുണ്ടാകുന്ന യോഗങ്ങൾ, നിലവിലെ ദശാപഹാരം അന്തരപഹാരങ്ങൾ എന്നിവയെയൊക്കെ ആശ്രയിച്ചിരിക്കും. എന്നിരുന്നാലും, ഇവിടെ കൊടുത്തിരിക്കുന്ന പൊതുഫലങ്ങളെ ഒരു സൂചനയായി ഉപയോഗിച്ചു, വിശദമായ ജാതക വിശകലനം നടത്തി ദശാനാഥനെ പ്രീതിപ്പെടുത്താനുള്ള വഴികൾ തേടുകയും ദോഷപരിഹാരങ്ങൾ അനുഷ്ഠിക്കുകയും ചെയ്താൽ, അനുകൂല സമയങ്ങളുടെ ഗുണഫലങ്ങൾ പരമാവധി നേടിയെടുക്കാനും പ്രതികൂല സമയങ്ങളിൽ മുൻകരുതലോടെ സുഗമമായി തരണം ചെയ്യാനും സാധിക്കും.
